ஆத்தீ! ரசம் சாதத்திற்கு ஜிஎஸ்டியுடன் ரூ 11 ஆயிரம் பில்லா?.. நடிகை வினோதினி சொல்ற கணக்கை பாருங்க!

Published: Friday, August 5, 2022, 15:17 [IST]

Subscribe to Oneindia Tamil

சென்னை: மத்திய அரசு எதற்கெல்லாம் ஜிஎஸ்டி போட்டுள்ளார்கள் என்பதை நகைச்சுவையாக விவரித்துள்ள நடிகை வினோதினியின் வீடியோ வைரலாகி வருகிறது.

அரிசி, பால், தயிர் போன்ற அத்தியாவசிய பொருட்களின் ஜிஎஸ்டி வரி விகிதத்தை உயர்த்தி 47 ஆவது ஜிஎஸ்டி கவுன்சில் கூட்டத்தில் முடிவெடுக்கப்பட்டது. அதன்படி பேக் செய்யப்பட்ட பால், மோர், லஸ்ஸி உள்ளிட்ட பொருட்களுக்கு 5 சதவீதம் ஜிஎஸ்டி வரியாக விதித்து ஜூலை 18 ஆம் தேதி முதல் அமலுக்கு வந்தது.

அது போல் அரிசி, கோதுமை மாவு உள்ளிட்ட பொருட்களுக்கும் தற்போது 5 சதவீதம் ஜிஎஸ்டி விதிக்கப்பட்டுள்ளது. ஏழை எளிய மக்கள் பயன்படுத்தி வந்த அரிசி, கோதுமை, பால் உள்ளிட்ட அத்தியாவசிய பொருட்களுக்கும் ஜிஎஸ்டி கொண்டு வரப்பட்டதால் இந்தியா முழுவதும் கடும் எதிர்ப்பு கிளம்பியுள்ளன.

சின்னத்திரை

இதுகுறித்து சின்னத்திரை மற்றும் வெள்ளித்திரை நடிகை வினோதினி வெளியிட்ட வீடியோவில், "சாப்பீட்டீங்களா வாங்க! எப்பா பில்லை போடு! என்ன சாப்பீட்டீங்க! ரசம் சாதமா, ரசத்திற்கு ஜிஸ்டி, சாதத்திற்கு ஜிஎஸ்டி, ரசத்தில் ஊற்றின நெய்க்கு ஜிஎஸ்டி, நெய்யில் கலந்த டால்டாவிற்கு ஜிஎஸ்டி, ரசத்திற்கு கடுகு தாளித்தோமே அதுக்கு ஜிஎஸ்டி போடுங்கள்.

ஜிஎஸ்டி

தாளித்த எண்ணெய்க்கு ஜிஎஸ்டி, எண்ணெய் ஊற்றப்பட்ட பாத்திரத்திற்கு ஜிஎஸ்டி, பாத்திரத்தை வைத்த ஸ்டவ்விற்கு ஜிஎஸ்டி, ஸ்டவ்விற்கு அடியில் இருக்கும் சிலிண்டருக்கு ஜிஎஸ்டி.. போட்டு முடிச்சிட்டியா! சார் விரலை காட்டுங்கள்... 1, 2, ,3 ,4 5, 6, 7, 8, 9, 10 ஆஹா சார் 10 விரல் வச்சிருக்காரு.

10 விரலுக்கும் ஜிஎஸ்டி

10 விரலுக்கும் ஜிஎஸ்டி போடு.. என்னாது இது உங்க விரல்லா, சாப்பிட யூஸ் செய்தீர்களே. என்னாது வலது கையை மட்டும் யூஸ் செய்தீர்களா, ஏன் இலையை அட்ஜஸ்ட் செய்ய இடது கையையும் தானே யூஸ் செய்திருப்பீர்கள். என்ன ஏமாற்ற பாக்குறீங்களா, அப்பறம் அந்த மூக்குக்கு ஜிஎஸ்டி போடு!

மூக்குக்கு ஜிஎஸ்டியா

என்னாது மூக்குக்கு ஜிஎஸ்டியா, ஆமா சாப்பாட்டை எடுத்து முகர்ந்து பார்த்தீர்களே! அதுக்குத்தான்! அந்த மூச்சுக் காற்றுக்கு ஜிஎஸ்டி போடாம இருக்கோமேனு சந்தோஷப்படுங்க! பில் எவ்வளவு ஆச்சு ரூ10,325.35 காசுகள்! ரவுண்டா ரூ 11 ஆயிரம் பில் போடுங்கள். மேலே இருக்கிறது அவங்க போட்ட ஜிஎஸ்டி, நாங்கள் போட வேண்டாமா. என்னாது காசு இல்லையா. போங்க சார் போய் கோடீஸ்வரனாய்ட்டு வாங்க, அப்பதான் வாழ முடியும். நீங்க கோடீஸ்வரனா பொறக்காதது உங்கள் தப்பு! என்னாது உழைத்து கோடீஸ்வரனாக போறீங்களா! அப்பாவி! உன் கிட்ட போய் பேசின பாரு போ வேலையை பாரு! 3 ஆயிரம் ரூபாய் சம்பளம் கொடுக்கிறேன் 30 நாளைக்கு! போய் முக்கி முக்கி வேலையை பாரு என வினோதினி நகைச்சுவையாக பேசும் வீடியோ வைரலாகி வருகிறது.

Published On August 5, 2022