நடிகை ஷகிலாவின் மகள் மிலா கர்ப்பமா? தீயாய் பரவும் போட்டோ!

Updated: Tuesday, April 5, 2022, 16:38 [IST]

Subscribe to Oneindia Tamil

சென்னை: நடிகை ஷகிலாவின் தத்து மகள் மிலா கர்ப்பமாக இருப்பதாக போட்டோ வைரலாகி வருகிறது. ஆனால் உண்மையில் நடந்தது என்ன?

மலையாள நடிகை ஷகிலா இவர் சில படங்களில் கேரக்டர் ரோல் நடித்துள்ளார். இவர் திருமணம் செய்து கொள்ளவில்லை என்பதை அனைவரும் அறிந்ததுதான். சில காலம் திரைத் துறையிலிருந்து விலகியே இருந்த ஷகிலா குக் வித் கோமாளி 2 நிகழ்ச்சியில் கலந்து கொண்டார்.

இந்த நிகழ்ச்சியில் இவருக்கு நல்ல பெயரே கிடைத்தது. இவரது சமையலை வெங்கடேஷ் பட்டும், தாமுவும் பாராட்டினார்கள். அந்த அளவுக்கு இவரது சமையல் இருந்தது.

திருநங்கை மிலா

இவர் திருநங்கை மிலா என்பவரை தத்தெடுத்து தனது மகளாகவே வளர்த்து வருகிறார். மிலா பேஷன் டிசைனிங் படித்துள்ளார். அவர் திருநங்கையாக மாறுவதற்கு முன்னர் தமிழில் ஒரு சீரியலில் நடித்திருந்தார். இருவரும் அவ்வப்போது செய்யும் சேட்டைகளை இன்ஸ்டாகிராமில் வெளியிடுவார்கள்.

மிலா கர்ப்பம்?

இந்த நிலையில் மிலா கர்ப்பமாக இருப்பது போல் ஒரு போட்டோ ஷூட் நடத்தியுள்ளார். அதில் அவர் மிகவும் உருக்கமாக ஒரு விஷயத்தை கூறியுள்ளார். "என்னால் குழந்தை பெற்றுக் கொள்ள முடியாது. இந்த போட்டோ ஷூட் மூலம் எனது கனவு நனவாகிவிட்டது" என அந்த பதிவில் தெரிவித்துள்ளார்.

உருக்கம்

இவர் உருக்கமாக தெரிவித்ததற்கு நிறைய பேர் ஆறுதல் தெரிவித்துள்ளனர். தாய்மை என்பது குழந்தை பெற்றால் மட்டும் இல்லை. நீங்கள் அளவுக்கு அதிகமான அன்பு, பாசம், அக்கறை ஆகியவற்றை காட்டுகிறீர்கள். இதனால் நீங்கள் இப்போதும் தாய், சகோதரி, குழந்தையும் கூட என ஒரு நெட்டிசன் தெரிவித்துள்ளார்.

மக்கள் ஆதரவு

"உரிமையோடும் அன்போடும் அம்மா என்றழைக்கும் அனைவரும் உங்கள் பிள்ளைகள் தான் .... பெற்றால் தான் பிள்ளையா" என நெட்டிசன் ஒருவர் கேட்டுள்ளார். "நீங்கள் தாயாகலாம். ஒரு பிள்ளையை தத்தெடுத்தால்" என்கிறார் இன்னொரு வலைஞர். ஒரு குழந்தையை தத்தெடுத்து உங்கள் கனவை முழுமையாக்குங்கள் என மிலாவுக்கு ஆதரவு கரங்கள் குவிகின்றன.