இதய சுரங்கத்துக்குள் எத்தனை கேள்வி...!

Updated: Saturday, October 26, 2019, 15:33 [IST]

Subscribe to Oneindia Tamil

சென்னை: கண்ணதாசனின் வரிகளில் எம் எஸ் விஸ்வநாதன் இசையில், இயக்குனர் சிகரம் கே.பாலச்சந்தர் சார் இயக்கத்தில் உருவான அபூர்வ ராகங்கள் படத்தின் பாடல் ஏழு ஸ்வரங்களுக்குள் எத்தனை பாடல்..

இந்த பாடலே படத்தின் கதையையும், கதா பாத்திரங்களின் மன நிலையையும் சொல்லிவிடும். காலத்தால் அழிக்க முடியாத பொக்கிஷங்களில் ஒன்று இந்த பாடல்.

இதை இன்று இரவு விஜய் டிவியின் சூப்பர் சிங்கர் போட்டியாளர் பாடுகிறார். அதை ஒளிபரப்ப உள்ளது விஜய் டிவி.

ஸ்ரீவித்யா கமல்

நடிகர் கமல்ஹாசன், ஸ்ரீவித்யா, நடிகர் ரஜினிகாந்த் நடித்து இருக்கும் இந்த படத்தின் பெயர் அபூர்வ ராகங்கள். இதில் கடைசி சில காட்சிகளில் சூப்பர் ஸ்டார் ரஜினிகாந்த் நடித்து இருப்பார். இவரின் அறிமுக படம் என்றாலும் ஆரம்பமே படு அமர்க்களம் போல ரஜினி சிகரெட், கருப்பு போர்வை என்று வித்தியாசமாக காட்சி தருவார்.

ஒல்லியாக கமல்ஹாசன்

மிகவும் ஒல்லியான தோற்றத்தில் இருக்கும் கமல்ஹாசன் மூர்த்தி சிறியது என்றாலும் கீர்த்தி பெரியது என்பது போல தன்னைவிட வயது அதிகமான ஒரு பெண்ணை காதலித்துக்கொண்டு இருப்பார்.அவர்தான் ஸ்ரீவித்யா.அதை தைரியமாக அவரிடமும் சொல்ல இப்படி கதை நகரும்.

சிக்கலான கதை

ரொம்ப ரொம்ப சிக்கலான அம்மா பெண் கதை இது. இதை லாவகமாக கையாண்டு, முடிவையும் சாதகமாக கொடுத்து படத்தை இயக்கி இருப்பார் இயக்குநர் சிகரம். பார்க்கும்போது சிலருக்கு என்னடா கதை இது என்று கூட எண்ண தோன்றும். ஆனால், திரைக் கதையை நகர்த்தும் விதத்தில்தான் சூட்சுமத்தை கையாண்டு இருப்பார் பாலச்சந்தர்.

சூப்பர் சிங்கர்

இன்று இரவு விஜய் டிவியில் இசை அமைப்பாளர் அனிருத் முன்னிலையில் நடைப்பெற்ற சூப்பர் சிங்கர் நிகழ்ச்சி ஒளிபரப்பாக உள்ளது. அதில் ஒரு போட்டியாளர் பாடும் இந்த பாடல் பல நினைவுகளை கிளறிவிட்டு இருக்கிறது. இன்னும் பாட இருக்கும் போட்டியாளர்களின் பாடலையும் கேளுங்கள்.