சிறந்த தாய்க்கான கதாபாத்திரம்...சன் குடும்ப விருதுகள்...!

Published: Friday, January 3, 2020, 10:19 [IST]

Subscribe to Oneindia Tamil

சென்னை: சன் குடும்ப விருதுகளில் சிறந்த தாய்க்கான கதாபாத்திரம் யாருக்கு என்று நான்கு நடிகைகளை நாமினேட் செய்திருக்கிறார்கள்.

நடிகைகள் மவுனிகா, வனிதா, காயத்ரி ஜெயராம், தவிர தெய்வமகள் வசந்தி, கல்யாண வீடு சிவகாமி ஆகியோர்.

நடிகை மவுனிகா எந்த சீரியலில் நடித்தாலும் தனக்கென்று தனி முத்திரையை பதித்து விடுகிறார்.

அக்னி நட்சத்திரம்

காலை 11 மணிக்கு ஒளிபரப்பாகும் அக்னி நட்சத்திரம் சீரியலில் நடிகை மவுனிகா ஜெயந்தியாக நடிக்கிறார். இந்த சீரியலில் இவருக்கு பிறக்கும் இரட்டை குழந்தைகளில் ஒன்றை இவரது கணவர் இவருக்கு தெரியாமல் நண்பருக்கு கொடுத்து விடுகிறார்.இதுதான் கதை. கல்யாண பரிசு சீரியலில் நடிகை ஸ்ரித்திகா ஸ்ரீயின் மாமியாராக வருகிறார் நடிகை வனிதா. அதாவது சுப்பு கதாபாத்திரத்தில்

காயத்ரி ஜெயராம்

நடிகை காயத்ரி ஜெயராம் அழகு சீரியலில் ஆரம்பத்தில் கெடுதல் செய்யும் அம்மாவாக நடித்து, இப்போது சுதா, பூர்ணா இருவருமே தனது மகள்கள்தான் என்று தெரிந்தும் எந்த மகளுக்கு நல்லது செய்வது என்று தெரியாமல் குழம்பி நின்றாலும், பூர்ணா ஆட்டுவித்தபடி எல்லாம் ஆடுவதுமான கதாபாத்திரம். காயத்ரி ஜெயராம் நன்றாகவே நடித்திருப்பார்.

சிவகாமி அம்மா

கல்யாண வீடு சீரியல் கோபியின் அம்மாவாக நடித்து இருக்கும் சிவகாமி அம்மா, இயல்பாக நடிக்க கூடியவர். நாதஸ்வரம் சீரியலில் அம்மாவாக நடித்து புகழ்பெற்றவர். திருமுருகன் புதுமுகங்களுக்கு நடிக்க வாய்ப்பு கொடுத்து வெற்ற பெற்ற சீரியலான நாதஸ்வரம் மூலம் சின்னத்திரைக்கு அறிமுகம் ஆனவர்.

வசந்தி கதாபாத்திரம்

தெய்வமகள் சீரியலில் வசந்தியாக நடிப்பவர் நல்ல அம்மாவாக இருந்தாலும், கணவனுக்கு எதிரானவர். அவ்வப்போது இவர் செய்யும் காமெடிகளும் ரசிக்க வைக்கின்றன. நல்ல அழகு இளமை என்று இவர் ஜொலிக்கிறார்.

சன் குடும்பத்தின் சிறந்த தாய்க்கான விருது யாருக்கு என்று பொறுத்திருந்து பார்க்கலாம்.

Published On January 3, 2020