Sun Singer Programme: நிகழ்ச்சிக்கு இடையில் நகைச்சுவை.. இதென்ன டிரண்ட்?
சென்னை: சன் டிவியின் சன் சிங்கர் சீனியர்ஸ் நிகழ்சசிக்கு பாடகர்கள் தேர்வு முடிந்து, நிகழ்ச்சியைத் துவக்கி உள்ளார்கள். துவக்கமே வித்தியாசமாக அதே சமயம் நன்றாகவும் இருந்தது.
எப்போதுமே சன் சிங்கர் நிகழ்சசி ஒரு தேர்வு ஹால் மாதிரிதான் இருக்கும். போட்டியாளர்கள் பாடி முடித்ததும் நன்றாக இருக்கிறது, இல்லை என்கிற நடுவர்களின் கமென்ட்ஸ் இருக்கும். அனைவருக்கும் ஃபோகஸ் முழுவதும் பாடலில்தான் இருக்கும்.
இந்த முறை சன் டிவியின் நிகழ்ச்சித் தொகுப்பாளர் ஆதவனையும் சேர்த்திருக்கிறார்கள். நிகழ்சசிக்கு இடையில் அவ்வப்போது காமெடி செய்ய ஆதவனை புதிதாக சேர்த்திருக்கிறார்கள். ஆதவன் நன்றாக பாடக்கூடியவர் என்பது நிகழ்ச்சிக்கு பிளஸ்.
இது ஒரு டிரண்ட்
விஜய் டிவியின் சூப்பர் சிங்கர் நிகழ்ச்சியில், அந்த நிகழ்ச்சியின் தொகுப்பாளர் பிரியங்காவை வைத்து காமெடி செய்து வருகிறார்கள். பிரியங்காவை மூக்குத்தி முத்து என்பவர் ஒன்சைடாக காதலிப்பது போலவும், பிரியங்கா செந்தில், ராஜலட்சுமி ஜோடியில், செந்திலை விரும்புவது போலவும், ராஜலட்சுமி தன் புருஷனை காப்பாத்தி கொள்வது போலவும் தொடர்ந்து காமெடி செய்து வருகிறார்கள்.
சன் டிவி சன் சிங்கர்
சன் டிவியின் சன் சிங்கருக்கான ஆடிஷன் நடக்கும்போதே இந்த நிகழ்ச்சியிலும் காமெடியை புகுத்த சன் டிவி நினைத்தது போலும்..அந்தந்த ஊரிலும் போட்டியாளர் போல வந்து, ஆதவன் பாடலும் பாடினார் காமெடியும் செய்தார். இது முகம் சுளிக்காமல் ரசிக்கும்படிதான் இருந்தது. விஜய் டிவியின் யுக்தியை கையாண்டு இருந்தாலும், இது சுவைபட இருக்கிறது.
மேடை பிரமாண்டமாக
சன் சிங்கர் மேடையே பிரமாண்டமாக இருந்தது.நாற்பது போட்டியாளர்களும் குரூப் சாங்ஸ் பாடி அசத்தினார்கள். அறுபதுகளின் சூப்பர் ஹிட் பாடல்கள், எண்பதுகளின் சூப்பர் ஹிட் பாடல்கள், அண்மைய கால ஹிட் பாடல்கள் என்று குரூப் குரூப்பாக பாடினார்கள்.ஆரம்பம் இது ரசிக்கும்படி இருந்தது.
ஆதவன் இடையில்
இடையில் ஆதவன் பாடகர்களின் தனித் திறமையை கண்டறிந்து அவைகளை மேடையில் சொன்னதும், ஸ்வரம், ராகம் பற்றி தனக்குத் தெரிந்த பாணியில் நகைச்சுவையாக பேசியதும் கூட சிரிக்கும்படி இருந்தது.நிகழ்ச்சியை ஒரு பரீட்சை ஹால் மாதிரி இறுக்கமாக கொண்டு போவதைத் தவிர்க்க சன் சிங்கர் இந்த டிரன்டை கையில் எடுத்துள்ளது.
Click it and Unblock the Notifications
Sign in with Google