விஜய்-ண்ணா "வெறித்தனம்".. தெறிக்க விட்ட டெலிகாஸ்ட்.. மொத்தமாக கட்டிப் போட்ட சன் டிவி

சென்னை: என்னங்க நேத்து சன் டிவி பார்த்தீங்களா.. பிகில் ஆடியோ லான்ச் புரோகிராம் நல்லாருந்துச்சா.. இதுதாங்க டிவி ரசிகர்களின் நேற்றைய முனுமுனுப்பாக இருந்தது. இன்னும் கூட சமூக வலைதளங்களில் இதைப் பற்றிய பேச்சுதான்.

சும்மா சொல்லக் கூடாது படம் பிரமாண்டம்னா.. சன் டிவியின் ஆடியோ லான்ச் ஒளிபரப்பும் கூட பிரமாண்டம்தான்.. ஆனால் என்ன நிறைய கட் செய்து விட்டதாக பொங்கித் தள்ளிக் கொண்டிருக்கிறார்கள் ரசிகர்கள்.. ஏன் பிரபலங்களுமே கூடத்தான்.

விஜய், நயன்தாரா நடிக்க, கல்பாத்தி அகோரம் தயாரிப்பில் உருவாகியுள்ள படம்தான் இந்த பிகில். ரசிகர்களிடையே மிகப் பெரிய எதிர்பார்ப்பை கிளறி விட்டுள்ளது பிகில்.

எல்லாமே வைரல்

பிகில் தொடர்பாக எது வந்தாலும் அது வைரலாகி விட்டது. டிரெண்டிங்கில் பட்டையைக் கிளப்பி விட்டது. அந்த வகையில் இந்த ஆடியோ வெளியீட்டு விழாவும் கூட பிரமாண்டமாக மாறி விட்டது. வரலாறு காணாத ரசிகர் கூட்டத்தால் நிகழ்ச்சி நடந்த இடமே ரசிகர் வெள்ளமாக காணப்பட்டது.

பிரபலங்கள் தத்தளிப்பு

ரசிகர்கள் வெள்ளத்தில் சிக்கி பிரபலங்களே கூட உள்ளுக்குள் வர முடியாமல் திணறிப் போய் விட்டனராம். ஏஆர் ரஹ்மான் மகன், நடிகர் யோகி பாபு, பாடலாசிரியர் விவேக் என இந்தப் பட்டியல் ரொம்பவே நீளம்தான். நல்ல வேளை விஜய்யை முற்றுகையிட்டு சிக்கல் ஏற்படுத்தாமல் விட்டார்களே ரசிகர்கள் என நிம்மதி அடைவோம்.

விஜய் அண்ணாவைப் பற்றி நான் பேசியதிலிருந்து, சன் டிவி ஒரு பகுதியை வெட்டியுள்ளது

— Daniel Balaji (@DanielBalaje) September 22, 2019

முனுமுனுப்பு சலசலப்பு

இப்ப அது இல்லைங்க மேட்டர்.. இந்த விழாவில் பேசிய பலருடைய பேச்சை கட் செய்துதான் நேற்று சன்டிவி ஒளிபரப்பியதாக ஒரு முனுமுனுனுப்பு கிளம்பியுள்ளது. நடிகர் டேணியல் பாலாஜி நிறையப் பேசியிருந்தாராம். ஆனால் அதில் ஒரு பகுதியை கட் செய்து விட்டதாம் சன் டிவி. அவரே டிவீட் போட்டு புலம்பியிருக்காருங்க.

ஏன் இப்படி?

அது மட்டுமல்ல நடிகர் விவேக் நிறையப் பேசியிருந்தாராம். அதிலும் கூட பல பார்ட் கட் ஆகி விட்டதாம். இதுபோல எல்லோருடைய பேச்சிலும் கை வைத்து விட்டனரா என்று தெரியவில்லை. ஆனாலும் ரசிகர்கள் புலம்புகின்றனர். ஏன் இப்படி கட் பண்ணிப் போட்டார்கள் என்பதுதான் அவர்களுடைய கேள்வியாக இருக்கிறது.

தளபதி பேச்சு மாஸ்

இருந்தாலும் இந்த நிகழ்ச்சியில் விஜய் பேச்சுதான் செம மாஸாக இருந்தது. உண்மையிலேயே ரசிக்க வைக்கும் வகையில் பேசினார். அதை விட அவருடைய பாடி லாங்குவேஜ் சூப்பர் எக்சலன்ட். இதுவரை இல்லாத வகையில் படு கேஷுவலாக, ஜாலியாக பேசினார் என்றால் பார்த்துக்கங்களேன்.. நாங்க வெயிட்டிங்கில இருக்கோம்னா .. படத்தை பார்க்க!

English summary

Watching the Sun TV .. Big Audio Launch Program Nallarunducha .. This was the last TV fans of yesterday. Still, there is talk of this on social networks.