புதிதாக சன் நட்சத்திரங்களை கொண்டாட ஆரம்பித்து இருக்கும் சன் டிவி!

Updated: Tuesday, January 7, 2020, 12:24 [IST]

Subscribe to Oneindia Tamil

சென்னை: இப்போதுதான் தங்களது டிவி சீரியல்களில் நடிக்கும் நட்சத்திரங்களை கொண்டாட ஆரம்பித்து இருக்கிறது சன் டிவி.

எப்போதும் சீரியல் நட்சத்திரங்களை இந்த வருட சன் குடும்ப விருது வழங்கும் விழாவில் கொண்டாடியது போல கொண்டாடியது இல்லை சன் டிவி.

தங்களது டிவிக்கு ஸ்லாட் எடுத்து சீரியல் தயாரிக்கும் ராதிகா சரத்குமார், ரம்யா கிருஷணன், குஷ்பூ போன்றவர்களை மட்டுமே இதுவரை சன் டிவி கொண்டாடி வந்தது.

சன் குடும்ப விருதுகள்

2019 சன் குடும்ப விருதுகள் வழங்கு விழாவில் அடிக்கடி சன் சீரியல்களில் நாயகிகளாக நடிக்கும் அனைத்து நட்சத்திரங்களும் மேடைக்கு வரவழைக்கப்பட்டனர். தேவதைகள் என்று வர்ணிக்கப்பட்டனர்.இவர்கள் வைகைப் புயல் வடிவேலுவுக்கு மரியாதை செய்தனர்.

சீரியல்களின் நாயகிகள்

நடிகை ஸ்ரித்திகா ஸ்ரீ

கல்யாண பரிசு சீரியலில் நடித்து வரும் நடிகை ஸ்ரித்திகா ஸ்ரீக்கு இப்போதுதான் திருமணம் நிச்சயம் ஆகி இருக்கிறது. அவருக்கு திருமண சீர் வழங்கும் விதமாக மேடைக்கு அழைத்து, அவரை கவுரவித்து, பெற்றோர் சகோதரி உடன் இருக்க, மற்ற சீரியல்களின் கதாநாயகிகளை வைத்து மரியாதை செய்து சீரை வழங்கினார்கள்.

அழகு சீரியல் வில்லி

சிறந்த வில்லி கேட்டகிரி விருதுக்கு சன் மியூஸிக் தொகுப்பாளினியாக இருந்து இப்போது சன் டிவியில் அழகு சீரியலில் வில்லி நடிகையாக உயர்ந்து இருக்கும் சங்கீதாவுக்கு ஒரு ஏவி தயார் செய்து அதை ஒளிபரப்பினார்கள். பின்பு சிறந்த வில்லிக்கான விருதை வழங்கி கவுரவித்தார்கள்.

பாராட்டுதலுக்கு உரியது

நட்சத்திராவுக்கும் ஒரு சிறந்த கதாநாயகி விருதை வழங்கி கவுரவித்தது சன் டிவி. இப்படித்தான் சன் டிவி தங்களது நட்சத்திரங்களை புதிதாக கொண்டாட ஆரம்பித்து இருக்கிறது. என்றாலும் இந்த விஷயம் பாராட்டுதலுக்கு உரியதாகத்தான் இருக்கிறது.