ஏப்ரல் 14 வேற வரப் போகுது.. தர்பார் படம் டிவியில் ரிலீஸாகுதாம்.. கூடவே டகால்டியும்..!

சென்னை: சன் டிவியில் ஏப்ரல் 14 அன்று ரஜினிகாந்த் நடிப்பில் அண்மையில் அதாவது பொங்கல் தினத்தன்று வெளிவந்த தர்பார் படம், மற்றும் சந்தானம் நடிப்பில் வெளிவந்த டகால்டி படம் ஒளிபரப்பாக இருக்கிறது.

லாக்டவுன் நேரத்திலும் போட்டியை கடைப்பிடிக்கும் டிவி சானல்களில் ஏப்ரல் 14 க்கு என்று இன்னும் என்ன போட்டி இருக்கப் போகிறதோ தெரியவில்லை.

எதிர்பார்ப்பைத் தூண்டும் வகையில் இப்போதைக்கு சன் டிவி ஏப்ரல் 14 அன்று இரண்டு புத்தம்புது படங்கள் ஒளிபரப்புவதை மட்டும் ப்ரோமோ போட்டு வருகிறது.

போட்டாபோட்டியில் படங்கள்

சன் டிவிக்கு போட்டி என்று பார்த்தால் விஜய் டிவிதான் சன்னுக்கு அடுத்த இடத்தில் இருந்து வருகிறது. சன் டிவி சீரியல்கள்... சீரியல்கள் என்று கொடுத்து, பெண்களுக்கு பிடித்த வகையில் எப்போதும் முதலிடத்தில் இருந்து வருகிறது. இதற்கு மாற்று என்று யோசித்த விஜய் டிவி அதிகப்படியான ரியாலிட்டி ஷோக்களை வழங்கி சன் டிவிக்கு போட்டியாக இருந்து வருகிறது.

சீரியல் ஆதிக்கம்

விஜய் டிவியும் பெண்களை ஈர்க்கும் விதமாக சீரியல்களை அதிகம் வழங்க ஆரம்பித்து, சனிக்கிழமை என்று சீரியல்களை ஒளிபரப்ப ஆரம்பித்து இருந்தது. இந்த நேரத்தில்தான் கோவிட் 19 தொற்று லாக்டவுன் அமலில் வர, சன் டிவி தொடர்ந்து திரைப்படங்களை ஒளிபரப்பத் துவங்கியது.

போட்டியில் விஜய் டிவி

விஜய் டிவியும் சன் டிவியுடன் போட்டி போட்டுக்கொண்டு தினமும் மூன்று படங்கள் என்று அறிவித்து படங்களை ஒளிபரப்பி வருகிறது. அதோடு, விஜய் டிவியின் பழைய நிகழ்ச்சிகளை மறு ஒளிபரப்பும் செய்து வருகிறது. இதனால் சீரியல்கள் மறு ஒளிபரப்பு என்பது விஜய் டிவியில் இல்லை.

ஏப்ரல் 14 தமிழ் புத்தாண்டு

ஏப்ரல் 14 தமிழ் புத்தாண்டு என்று தொலைக்காட்சிகள் போட்டி போட்டுக்கொண்டு நிகழ்ச்சிகளை ஒளிபரப்பி வரும். சன் டிவி மட்டும் டிவி துவங்கிய வருடத்தை கொண்டாடும் வகையில் நிகழ்ச்சிகளை ஒளிபரப்பி வரும். இந்த ஆண்டும் அப்படி கொண்டாடும் வகையில் சன் டிவி தர்பார், டகால்டி இரண்டு படங்களை ஒளிபரப்ப ப்ரோமோ வெளியிட்டு வருகிறது.

மற்ற நிகழ்ச்சிகள் படங்கள்

சன் டிவி ஏப்ரல் 14 க்கான மற்ற சிறப்பு படங்கள், நிகழ்ச்சிகள் என்று இன்னும் அறிவிக்காத நிலையில், போட்டியான விஜய் டிவி என்ன படத்தை ஒளிபரப்ப இருக்கிறதோ தெரியவில்லை. எதிர்பார்ப்பில் உள்ளனர் ரசிகர்கள்.

English summary

the latest durbar movie, which stars rajinikanth on sun tv april 14, and dagaldi starring santhanam, is airing.It is unknown what the competition will be for lockdown time on april 14 on tv channels.