குழந்தைகளைத் தேடும் அம்மாக்களின் உணர்வுப் பூர்வமான பயணம்?

Updated: Saturday, January 18, 2020, 14:25 [IST]

Subscribe to Oneindia Tamil

சென்னை: ஜீ தமிழ் டிவியில் சூப்பர் மாம் நிகழ்ச்சியில் குழந்தைகளை ஒரு இடத்தில் ஒளித்து வைத்துவிட்டு, ஐந்து க்ளூவில் அம்மாக்கள் அந்த குழந்தைகளை உணர்வுப் பூர்வமாகத் தேடுகிறார்களாம்.

சூப்பர் மாம் சீசன் முதல் என்று ஆரம்பித்து இப்போது இரண்டாவது சீசன் சென்று கொண்டு இருக்கிறது.

நிகழ்ச்சியைத் தொகுத்து வழங்குபவர்கள் அர்ச்சனாவும் அவரது மகளும்.

தொகுப்பாளர் முடிவு

சூப்பர் மாம் தொகுப்பாளர் முடிவு செய்துவிட்டு, பிறகு நிகழ்ச்சியை யோசித்து முடிவு செய்தது போல, அர்ச்சனாவும் அவரது மகளும் இருக்கிறார்கள் என்று சூப்பர் மாம் நிகழ்ச்சியை யோசித்து இருப்பார்கள் போலும். இது போன்ற நிகழ்ச்சிகள் எல்லாம் இப்போது போர் என்கிற அளவுக்கு ஆகிவிட்டது.

சூப்பர் மாம் சீசன் 2

சூப்பர் மாம் சீசன் 1ல் இல்லாத பல புதுமைகளை சீஸன் 2 வில் கொண்டு வருகிறோம் என்று பல விஷயங்களை புகுத்தி வருகிறார்கள். அதில் ஒன்றுதான் குழந்தைகளை சிட்டி அவுட்டரில் ஒரு ஊரில் கொண்டு விட்டு வந்து விடுகிறார்கள்.

அம்மாக்களுக்கு க்ளூ

அம்மாக்களுக்கு ஒவ்வொரு க்ளூ மூலமாக ஒவ்வொரு இடத்தை நெருங்கி ஐந்தாவது க்ளூவில் குழந்தை கிடைப்பார்களாம். இதற்குள் அவர்களிடம் போகும் இடத்தை அடைய காசு இருக்காதாம். கிடைக்கும் எதோ ஒரு வேலையை செய்து அந்த காசில் செல்லும் இடத்தை அடைய வேண்டுமாம்.

டான்சர் சாந்தி

டான்சர் சாந்தி அப்படித்தான் தன் மகனை கண்டுபிடிக்க டீக்கடையில் கிளாஸ் கழுவுகிறார். அந்த காசில் நடு ரோட்டில் அண்ணா அண்ணா என்று கூப்பிட்டு பேருந்தை நிறுத்தி ஏறுகிறார். இன்னொருவர் தன் மகனை கண்டு பிடிக்க பஜ்ஜி சுட்டு விற்கிறார். இன்னொருத்தர் என் பிள்ளையை கண்டு பிடிக்கணும் என்று சொல்லி அழுகிறார்.

எதுக்கு இந்த சீன் எல்லாம்.. உங்கள் பிள்ளையை பத்திரமாகத்தானே வைத்து இருக்கிறார்கள். க்ளூவில் கண்டுபிடிச்சு விளையாட்டு காண்பிக்கவே இப்படியா? ஐயோ முடியலைப்பா!