OTT App: வெள்ளாவி வச்சுத்தான் வெளுத்தங்களா...இல்லை வெயிலுக்கு காட்டாம...!
மும்பை: ஆடுகளம் படத்தின் நாயகி டாப்ஸி வெள்ளாவி வச்சுத்தான் வெளுத்தாங்களா... இல்லை வெயிலுக்கு காட்டாம வளர்த்தாங்களான்னு நம்ம தமிழ் படங்களில் கொண்டாடப்பட்டவர்.
இவர் தப்பாட் இந்தி படத்தில் புரட்சியான பெண்ணாக நடித்து இருக்கார். இந்த படம் பிப்ரவரி 28ம் தேதி தியேட்டர்களில் வெளியான அடுத்த சில நாட்களில் கோவிட் 19 தொற்று காரணமாக முதலில் தியேட்டர்கள் லாக்டவுன்.
இதனால் பிப்ரவரியில் வெளியான படங்கள் நிலை கேள்விக்குறியானது...இப்படியான படங்களை ஓடிடி தளங்கள் உரிமம் பெற்று தங்கள் ஆப் மூலம் ஒளிபரப்பு செய்து வருகினறன். அதில் ஒன்றுதான் டாப்ஸி நடித்த தப்பாட்.
தப்பாட் கதை
தப்பாட் படத்தில் நாயகியாக நடித்து இருக்கார் டாப்ஸி. ஆடுகளம் படத்தில் பார்த்ததற்கும். இப்போது பார்ப்பதற்கும் முற்றிலும் வேறு பெண் போல கட்சி தருகிறார் டாப்ஸி. திருமணம் ஆன சில நாளில் கணவர் கை நீட்டி அடித்துவிடுகிறார். இதை எதிர்பார்க்காத ஒரு புத்தம் புது மனைவி எப்படி வெகுண்டெழுந்து உரிமைக்காக போராடுகிறாள் என்பதுதான் கதை.
மே 1ம் தேதி
தப்பாட் படத்தை அமேசான் பிரைம் வீடியோ மே மாதம் 1ம் தேதி தனது ஓடிடி இயங்கு தளத்தில் ஒளிபரப்பு செய்ய அனைத்து உரிமைத்தையும் பெற்று இருக்கிறதாம். இந்த லாக்டவுன் நேரத்தில் மே 1 உழைப்பாளர் தினத்துக்கான பரிசாக இந்த படம் இருக்கும் என்று அமேசான் ப்ரைம் வீடியோ தளம் அறிவித்து இருக்கிறது.
ஆணாதிக்கம் சமூகம்
ஆணாதிக்க சமூகத்தை சார்ந்த ஒருவனை கணவனாக அடைந்து, அதன் மூலம் சொல்ல முடியாத துயரம், கஷ்டம் என்று அனுபவித்து வருகிறார் டாப்ஸி. கயிற்றால் கட்டி போட்டு இம்சை படுத்தும் கணவன்... இவனிடம் இருந்து விவாகரத்து கோரும் டாப்ஸிக்கு விவாகரத்து கிடைத்ததா?
ஆணாதிக்கம் அல்ல சைக்கோ
இப்போது புதிதாக திருமணம் செய்துக்கொண்ட ஆண், தனது மனைவியை இப்படி துன்புறுத்தினால் அவனை யாரும் ஆணாதிக்க சமூகத்தை சார்ந்தவன் என்று சொல்வதில்லை. ஒட்டுமொத்தமாக சேர்த்து ஒரே பெயர் சைக்கோ என்று அழைக்க ஆரம்பித்து விடுவார்கள். படம் வெற்றியா தோல்வியா என்று நிர்ணயிக்க முடியாத நிலையில் லாக்டவுன். அமேசான் பிரைம் வீடியோவில் பார்த்து ஒரு முடிவுக்கு வரலாம்.
Click it and Unblock the Notifications
Sign in with Google