Thenmozhi BA Serial: ஆகஸ்ட் 26 முதல் தேன்மொழி வரப் போறாளாமே!

சென்னை: விஜய் டிவியில் வரும் திங்கள் 26 ம் தேதி முதல் மதியம் 1:30 மணிக்கு தேன்மொழி பிஏ சீரியல் ஒளிபரப்பாக இருக்கிறது என்று விஜய் டிவி அறிவித்துள்ளது.

இந்த சீரியலுக்காக பொண்ணுக்கு தங்க மனசு உள்ளிட்ட சில சீரியல்களின் நேர மாற்றத்தை அறிவித்து வருகிறது.

விஜய் டிவியில் சனிக் கிழமைகளில் சீரியல்கள் ஒளிபரப்பவதில்லை. ஆனால், தேன்மொழி சீரியல் திங்கள் முதல் சனிக்கிழமை வரை மதியம் 1:30 மணிக்கு ஒளிபரப்பாகும் என்று அறிவித்துள்ளது.

ஜாக்குலின் நடிகை

முதலில் விஜய் டிவியின் நிகழ்ச்சித் தொகுப்பாளராக இருந்தவர்தான் ஜாக்குலின். நல்ல நிகழ்ச்சித் தொகுப்பாளராக இருந்த ஜாக்குலினுக்கு சினிமாவில் நடிக்கும் வாய்ப்பு வந்தது.கோலமாவு கோகிலா படத்தில் நயன்தாராவுக்கு தங்கையாக நடித்து நடிப்பிலும் அசத்தி இருந்தார் ஜாக்குலின்.

விஜய் டிவி சீரியல்

கோலமாவு கோகிலா படம் வெளியாகி ஒரு வருடத்துக்கு மேலான போதும், அடுத்து எந்த படமும் புக் ஆகவில்லை. விஜய் டிவியிலும் தலை காட்டவில்லை. எப்போதுமே விஜய் டிவி தன்னை நம்பி வந்தவர்களை, தங்களால் புகழ் பெற்றவர்களை கை விடாது. அப்படி ஒரு வாய்ப்பு போலத்தான், அவர் நடிக்கும் தேன்மொழி சீரியல் விஜய் டிவியில் ஒளிபரப்பாக உள்ளது.

ப்ரோமோ ஒரு மாதம்

கடந்த ஒரு மாதமாக தேன்மொழி சீரியலின் ஒரே ஒரு ப்ரோமோ மிக விரைவில் தேன்மொழி பிஏ என்று வந்துகொண்டே இருந்தது. ஒரு வழியாக இன்று தேன்மொழி சீரியல் ஒளிபரப்பாக உள்ள தேதி, நேரத்தை அறிவித்து இருக்கிறார்கள். ப்ரோமோவில் ஜாக்குலின் ஊராட்சி மன்றத் தலைவியாக நடிச்சு இருக்கார்.

ரசிகர்கள் ஜாக்குலின்

ஜாக்குலின் நிகழ்ச்சித் தொகுப்பாளராக இருந்த போதே அவருக்கு ஏராளமான ரசிகர்கள் கூட்டம் இருந்தனர். இந்த நிலையில் கோலமாவு கோகிலா படத்தில் வேறு நடித்து புகழோடு வந்திருக்கார். இவரை தூக்கி வாரி அணைத்துக் கொள்ள விஜய் டிவிக்கு கசக்குமா என்ன?

English summary

Vijay TV has announced that thethenmozhi BA serial will air on Vijay TV at 1:30 pm on Monday.