ஒரிஜினல் "லஜக், மொஜக், பஜக்" இதுதான்.. ஆனால் வடிவேலு வேற லெவல் பாஸ்!

சென்னை: நடிகர் வடிவேலுவின் பிரபல காமெடியான லஜக், மொஜக், பஜக்கின் ஒரிஜினல் வெர்சன் இதுவாக இருக்கலாம்.

காமெடி கிங் என்றால் அது வடிவேலு என்பதை யாராலும் மறுக்க முடியாது. காமெடியுடன் அவர் செய்யும் உடல் அசைவு, முகப்பாவனை அந்த காமெடிக்கு மேலும் உயிரூட்டுகிறது.

இதனால் பாமர மக்களையும் அவரது காமெடி கொண்டு போய் சேர்த்தது. இவரது காமெடியில் எத்தனையோ இருக்க போக்கிரி படத்தில் வரும் லஜக், மொஜக் காமெடியை யாரும் அவ்வளவு எளிதில் மறந்திருக்க முடியாது.

ஒரிஜினல் வெர்சன் ஆஃப் லஜக்,மொஜக்,பஜக். #VadiveluForLife pic.twitter.com/rQn1h9PwrP

— Hasan Kalifa (@smhrkalifa) September 19, 2018

படத்தில் கராத்தே மாஸ்டரான வடிவேல் வீட்டில்தான் நடிகை அசின் தனது தாய், தம்பியுடன் குடியிருப்பார். அவருக்கு அசின் மேல் ஒருதலை காதல். அவரது தம்பிக்கு கராத்தே கற்றுக் கொடுக்கும் வடிவேல், அசினுக்கும் கராத்தே கற்றுக் கொடுக்க அவரை அழைப்பார்.

அப்போது அசின், அவரது தம்பி ஆகியோருக்கு வடிவேல் யாராவது தங்களை தாக்கினால் எப்படி அதை தடுப்பது என்பதை சொல்லிக் கொடுப்பார். அந்த சமயம் லஜக் என்றால் இப்படி அடிக்க வேண்டும், மொஜக் என்றால் இப்படி, பஜக் என்றால் இப்படி என்று சொல்லிக் கொடுப்பார்.

ஆரம்பத்தில் நன்றாக போகும். அவர் வேகமாக அந்த மூன்று வார்த்தைகளை சொல்லும் போது இருவரும் சேர்ந்து வடிவேலுவின் தலையில் அடிப்பர். இந்த காமெடியின் ஒரிஜினல் வெர்சன் இது என்று தற்போது ஒரு வீடியோ சமூகவலைதளங்களில் பரவி வருகிறது.

English summary

Vadivelu'comedy in Pokkiri may be originated from here.