Viduthalai part 2 OTT: ZEE 5 ஓடிடியில் விடுதலை பாகம் 2 ரிலீஸ் இல்லை! எதில் வெளியாகிறது தெரியுமா?

சென்னை: விடுதலை பாகம் 2 திரைப்படம் ZEE 5 எனும் ஓடிடி தளத்தில் ரிலீஸ் செய்யப்படுவதாக இருந்த நிலையில் தற்போது வேறொரு தளத்தில் தமிழ், தெலுங்கு மொழிகளில் ரிலீஸ் செய்யப்பட்டுள்ளது.

வெற்றி மாறன் இயக்கத்தில் விஜய் சேதுபதி, மஞ்சுவாரியர் நடிப்பில் உருவான விடுதலை பாகம் 2 எனும் திரைப்படம் கடந்த ஆண்டு டிசம்பர் 20-ஆம் தேதி திரைக்கு வந்தது. ஆனால் இந்த படம், விடுதலை படத்தை காட்டிலும் திரையரங்குகளில் பெரிய அளவுக்கு ஆடியன்ஸ்களை கவரவில்லை.

இதனால் இதை ஓடிடி தளத்தில் வெளியிட தயாரிப்பு நிறுவனம் முடிவு செய்தது. அதன்படி இந்த படத்தை திரையிடும் உரிமையை ஜீ 5 எனும் ஓடிடி தளத்திற்கு வழங்கப்பட்டது. இது ஜனவரி 24 ஆம் தேதி வெளியிடும் என தெரியவந்தது. ஆனால் தற்போது வேறொரு ஓடிடி தளத்தில் வெளியிட போகிறதாம்.

அதாவது ஜீ 5-க்கு பதிலாக அமேசான் பிரைம் வீடியோவில் தமிழிலும் தெலுங்கிலும் வெளியாகிறது என சொல்லப்படுகிறது. எனவே அமேசான் பிரைமிலும் அதே ஜனவரி 24 ஆம் தேதி வெளியாகிறதா இல்லை வேறு தேதியில் வெளியாகுமா என தெரியவில்லை. இந்த படத்திற்கு இசை இளையராஜா என்பது குறிப்பிடத்தக்கது. ஓடிடியில் 1 மணி நேர கூடுதல் காட்சியும் இடம் பெறும் என சொல்லப்படுகிறது.

நடிகர் சூரி நடிப்பில் விடுதலை பாகம் 1 ரிலீஸாகி நல்ல வசூலை வாரி குவித்தது. ஆனால் விடுதலை பாகம் 2 சொல்லிக் கொள்ளும்படியாக இல்லை. இந்த படத்தில் முக்கிய கதாபாத்திரமே விஜய் சேதுபதியின் வாத்தியார் கேரக்டர்தான். மஞ்சு வாரியர் கதாபாத்திரத்திற்கு பாராட்டுகள் குவிகின்றன. இந்த படம் ரிலீஸான போதிலிருந்தே எதிர்மறையான விமர்சனங்கள் கிடைத்தன.

இந்த படத்தில் பேசப்பட்டிருந்த அரசியல் பலருக்கு பிடிக்கவில்லை என்கிறார்கள். இந்த படம் முதல் 2 நாட்கள் வசூலை குவித்திருந்தாலும் அடுத்தடுத்த நாட்களில் சறுக்க ஆரம்பித்துவிட்டது. இதனால் இந்த படத்துடன் வெளியான முஃபாசா தி லயன் கிங் படத்தின் வசூல் அதிகரித்தது.

English summary

Viduthalai Part 2 OTT: Do you know Zee 5 is not streaming in Zee 5.