கல்யாணமாம் கல்யாணம்.. சதீஷுக்கு கல்யாணம்.. விஜய் டிவியில்!
சென்னை: சன் டிவியில் புத்தாண்டு சிறப்பு நிகழ்ச்சியாக நடிகர் சதீஷின் கல்யாண வைபோகத்தை ஒளிபரப்பி இருந்தார்கள்.
சதீஷ் கல்யாணத்தை ஆர்யா, விஷால் கல்யாணம் மாதிரியே அனைவரும் எதிர்பார்த்து இருந்தநேரத்தில் எதிர்பாராத விதமாக கடந்த வருடத்தின் கடைசியில் சதீஷ் கல்யாணம் நடந்து முடிந்துவிட்டது.
சதீஷின் கல்யாணம், மற்றும் ரிஷப்ஷனை சன் டிவி புத்தாண்டு சிறப்பு நிகழ்ச்சியாக இன்று காலை 9 மணிக்கு ஒளிபரப்பியது.
ஆஹா கல்யாணம்
வழக்கமாக சன் டிவி வணக்கம் தமிழகம் நிகழ்ச்சியில் ஆஹா கல்யாணம் என்று ஒரு நிகழ்ச்சியை ஒளிபரப்பி வந்தது. அதில் சிறப்பாக நடைபெற்ற விஐபி மற்றும் விஐபி அல்லாதவர்களின் திருமணத்தை ஒளிபரப்பி வந்தது.
நடிகர் சதீஷ் திருமணம்
அந்த வகையில் இன்று நடிகர் சதீஷ் திருமண வைபோகத்தை இன்று கல்யாணமாம் கல்யாணம் என்று ஒளிபரப்பியது. திருமணத்துக்கும், ரிஷப்ஷனுக்கும் திரையுலக நடிகர் நடிகைகளும், மற்றும் பல பிரபலங்களும் கலந்து கொண்டு சிறப்பித்தனர்.
சூப்பர் ஸ்டார் படத்தில்
சதீஷின் நீண்ட நாள் கனவு என்று தான் சூப்பர் ஸ்டார் படத்தில் நடிக்க ஆசைப்பட்டதையும், இப்போது தலைவர் படத்தில் நடிக்க கமிட் ஆகி இருப்பதையும் சதீஷ் நெகிழ்ச்சியுடன் கூறினார்.இந்த வருடம் சதீஷுக்கு நல்ல வருடமாக அமையும் என்று நண்பர் சிவ கார்த்திகேயன் வாழ்த்து கூறினார்.
மனைவி வந்த நேரம்
சூப்பர் ஸ்டார் படத்தில் சதீஷ் நடிக்க கமிட் ஆகி இருப்பது அவருக்கு அவர் மனைவி வந்த நேரம் என்று பலரும் கூறுவதாகவும், நான் வந்த நேரம் இல்லை.. அவரின் கடின உழைப்புக்கு கிடைத்த பரிசு என்று இது என்றும் சதீஷ் மனைவி கூறினார்.
Click it and Unblock the Notifications
Sign in with Google