விக்ரம் வீட்டு தீபாவளி..தந்தையும் மகனும் நண்பர்களான தருணங்கள்!

Updated: Friday, October 25, 2019, 14:54 [IST]

Subscribe to Oneindia Tamil

சென்னை: தோளுக்கு மேல் வளர்ந்துவிட்டால் பிள்ளைகளானாலும் தகப்பனுக்கு தோழர்கள்தான். இங்கு நடிகர் விக்ரமின் மகன் துருவ், விக்ரமுக்கு அப்படித்தான் இருக்கிறார்.

நல்ல தோற்ற பொலிவில் விக்ரம் மகனை விட அசத்துகிறார். மனிதர் என்னமாய் உடம்பை ஃபிட்டாக வச்சு இருக்கார்.

துருவ் நடிகர் தொழிலைத் தேர்ந்தெடுத்து இருக்கும் நிலையில் அப்பாவையே ரோல் மாடலாக எடுத்துக்கலாம் துருவ்.

விக்ரம் வீட்டு தீபாவளி

சன் டிவி தீபாவளி சிறப்பு நிகழ்ச்சியாக விக்ரம் வீட்டு தீபாவளி என்று தந்தையும், மகனும் மட்டும் பங்கு பெறும் நிகழ்ச்சியை ஒளிபரப்ப உள்ளது. இதில் வீட்டிலிருந்தே இருவரும் ஸ்பாட்டுக்கு கிளம்புகிறார்கள்.கூடவே சன் டிவியின் நிகழ்ச்சித் தொகுப்பாளராக நட்சத்திராவும் செல்கிறார்.

விக்ரம் துருவ்

விக்ரம் கார் ஓட்ட, அருகில் துருவ் அமர்ந்து இருக்க, அண்டங்கக்கா கொண்டைக்காரின்னு நட்சத்திரா பாடினார். ரண்டக்க ரண்டக்க சொன்னார்கள்
அப்பாவும் பிள்ளையும். இவ்ளோ நல்லா படறீங்களேன்னு நட்சத்திராவைப் பாராட்டினார் விக்ரம்.

தும்பிபாதமா இல்லை

இந்த பாட்டை தைரியமா பாடிட்டேன். பாடினத்துக்கு எனக்கு தண்டனை தும்பி பாதமான்னு நட்சத்திரா கேட்க. விக்ரமும், துருவும் ரசித்து சிரித்தார்கள். இப்படியான நகைச்சுவை உணர்ச்சிகள் நிகழ்ச்சித் தொகுப்பாளராக இருந்தாலும் தேவைப்படுது.

7 மணிக்கு நிகழ்ச்சி

கல்லூரி பெண்களுடன் துருவ் பேசுவது,புரொபோஸ் பண்ணுவது, அப்பாவும் பிள்ளையும் நண்பர்களாக காட்சி தரும் தருணங்கள் என்று நிகழ்ச்சியில் நிறைய கொண்டாட்டங்கள் உள்ளன. தீபாவளி அன்று காலை 7 ,மணிக்கு இந்த நிகழ்ச்சியை கண்டு மகிழுங்கள்.