Vinayagar chathurthi special: விநாயகர் சதுர்த்தி கல்யாண வீடு கலாட்டா!

Updated: Monday, September 2, 2019, 17:58 [IST]

Subscribe to Oneindia Tamil

சென்னை: சன் டிவியின் கல்யாண வீடு சீரியல் தஞ்சை மாவட்டம் திருவையாறு என்கிற ஊரில், அவ்வூர் மக்களிடையே ஷூட்டிங் நடைப்பெற்று வருகிறது.

சன் டிவியின் விநாயகர் சதுர்த்திக்கான சிறப்பு நிகழ்ச்சியையும் திருவையாறு மக்கள் இடையே, சீரியல் கல்யாண வீடு நடிகர் நடிகைகளை வைத்து ஒரு கேம் ஷோ நடத்தி இருந்தார்கள்.

நடிகர், நடிகைகளுடன் இயக்குநரும் நடிகருமான திருமுருகனும் கலந்து கொண்டது சிறப்பாக இருந்தது.

வழக்கமான விளையாட்டுக்கள்

பெண்கள்,ஆண்களுக்கு என்று தனித்தனியாக இல்லாமல், சாக்குப் போட்டி, சைக்கிளில் மெதுவாக செல்லும் போட்டி, ஸ்பூனில் எலுமிச்சம் பழம் எடுத்து செல்லும் விளையாட்டு என்று பல்வேறு விதமான போட்டிகளில் சீரியல் நடிகர், நடிகைகள் விளையாடி சிரிக்க வைத்தனர்.இதில் அம்மாவாக, மாமியாராக நடிக்கும் பெண்களும் கலந்து கொண்டதும், சைக்கிள் ஓட்டியதும் சிறப்பு.

திருமுருகன் இயக்குநர்

இந்த சிறப்பு நிகழ்ச்சி நடத்திக் கொடுத்ததே இயக்குநர் திருமுருகன் என்று சொல்லலாம். அந்த அளவுக்கு தனது சீரியல் சின்னத்திரை நடிகர் நடிகைகளை களத்தில் இறங்கி ஊக்குவித்தார். தானே போட்டியையும், போட்டிக்கான ஆட்களையும் தேர்வு செய்தார். வின்னர், ரன்னரையும் அறிவித்தார்.

இயக்குநர் பந்தா

இயக்குநர், தயாரிப்பாளர், கதையாசிரியர் ,நடிகர் என்று பல்வேறு திறமைகளை கொண்ட கலைஞன் திருமுருகன். ஆனால், எந்தவித பந்தாவும் இல்லாமல் மிக எளிமையாக இருக்கார்.தான் இயக்கும் சீரியல் நட்சத்திரங்களிடம் மிக இயல்பாகப் பழகி, தானும் விளையாட்டை சிரித்து ரசிச்சது ரொம்ப இயல்பாக இருந்தது. இந்த இயல்புதான் திருமுருகன்.

கூல் இயக்குனர்

இந்திய கிரிக்கெட் அணியில் தோனி கூல் கேப்டன் என்று சொல்வார்கள்.அது போல சீரியல் இயக்குநர் திருமுருகன் ரொம்பவும் கூல் என்று சொல்லலாம்.. எதைப் பற்றியும் கவலைப்படாமல் அன்றன்றைய வேலைகளை கவனமாகப் பிரிச்சு கொடுத்து மேற்பார்வை பார்ப்பதில் வல்லவர். இதனால்தானோ என்னவோ,இவரது செட்டில் எப்போதும் இன்றைய சிறப்பு நிகழ்ச்சியில் எப்படி திருமுருகன் கலகலப்பாக இருந்தாரோ அப்படித்தான் செட்டிலும் எல்லாருடனும் கலகலப்பாக இருப்பாராம்..