போற போக்கைப் பார்த்தா ‘முழுப் படத்தையும்’ போட்டுக் காட்டிடுவாரு போலயே!

Updated: Sunday, July 29, 2018, 14:46 [IST]

Subscribe to Oneindia Tamil

சென்னை: கமலின் விஸ்வரூபம் 2 பட நிகழ்ச்சிகள் அடுத்தடுத்து பிக் பாஸ் வீட்டில் நடந்து வருகிறது.

பிக் பாஸ் முதல் சீசனைப் போலவே இரண்டாவது சீசனையும் கமலே தொகுத்து வழங்கி வருகிறார். கடந்த முறையைவிட இம்முறை போட்டியாளர்கள் அதிக உற்சாகம் இல்லாமல் விளையாடி வருகின்றனர். இதனால் பிக் பாஸ் நிகழ்ச்சி விறுவிறுப்பு குறைந்து காணப்படுகிறது.

கமல் வரும் சனி மற்றும் ஞாயிறு நிகழ்ச்சிகள் மட்டுமே கொஞ்சம் விறுவிறுப்பாகச் செல்கிறது. எனவே, கமலைக் காட்டி டி ஆர் பி-ஐ அதிகப்படுத்தும் நிலைக்கு பிக் பாஸ் தள்ளப்பட்டிருக்கிறார். இது ஒருபுறம் இருக்க, தன்னை வைத்து டி ஆர் பி காணும் பிக் பாஸுக்கு பதிலடியாக, தானும் இந்நிகழ்ச்சியைப் பயன்படுத்தி வருகிறார் கமல்.

விஸ்வரூபம் 2:

இதற்காக வாரம்தோறும் தன் அரசியல் பிரவேசம் மற்றும் படவேலைகளுக்காக பிக் பாஸ் மேடையைப் பயன்படுத்திக் கொள்கிறார் அவர். அதன்படி, கடந்த சில வாரங்களுக்கு முன்னர் தனது விஸ்வரூபம் 2 படப் பாடலை பிக் பாஸ் மேடையில் அவர் வெளியிட்டார்.

ஆண்ட்ரியா:

அதன் தொடர்ச்சியாக நேற்று பிக் பாஸ் நிகழ்ச்சியில் விஸ்வரூபம் 2 படத்தின் மற்றொரு பாடலையும், புதிய டிரெய்லரையும் வெளியிட்டனர். இதற்காக அப்படத்தில் நடித்த ஆண்ட்ரியா, பூஜா குமார் மற்றும் இசையமைப்பாளர் ஜிப்ரான் ஆகியோர் பிக் பாஸ் வீட்டிற்குள் சென்றனர்.

மகிழ்ச்சி:

அங்கு வைத்து போட்டியாளர்கள் முன்னிலையில் அப்பாடலை அவர்கள் பாடிக் காட்டினர். பின்னர் அகம் டிவி வழியே அவர்களுக்கு விஸ்வரூபம் 2 டிரெய்லர் போட்டுக் காட்டப்பட்டது. இதனைப் பார்த்து போட்டியாளர்கள் மிகவும் மகிழ்ச்சியடைந்தனர்.

கமல் ஹேப்பி:

அதோடு, படத்தை விளம்பரப்படுத்தும் வகையில் போட்டியாளர்கள் அனைவருக்கும் விஸ்வரூபம் 2 ரிலீஸ் தேதியுடன் கூடிய டி சர்ட்டும் வழங்கப்பட்டது. அதனை அணிந்து கமலுக்கு அவர்கள் காண்பித்தனர். இதனால் கமல் பெருமகிழ்ச்சி அடைந்தார்.

இதுவும் நடக்கலாம்:

இதை எல்லாம் பார்க்கும் போது, ஆகஸ்ட் 10ம் தேதி ரிலீசாக இருக்கும் இப்படத்தை, முன்னதாகவோ அல்லது பின்னதாகவோ போட்டியாளர்களுக்கு பிக் பாஸ் போட்டுக் காட்டும் திட்டத்தில் இருக்கிறாரோ என்ற சந்தேகம் தான் எழுகிறது. ஒருவேளை போட்டியாளர்களை படம் பார்க்க வைத்து, அவர்களை வைத்தே படத்தை விமர்சிக்கச் சொல்லி வித்தியாசமாக விளம்பரம் தேடினாலும் ஆச்சர்யப்படுவதிற்கில்லை.