என்ன ஐஸ்வர்யா.. ஆடி மாசம் ஜாலியா இருந்தியான்னு கேட்டாங்க.. இதுக்கு என்ன பதில் சொல்றது.. விஜே வேதனை

சென்னை: என்ன ஒரு மாசம் ஜாலியா இருந்தியான்னு கேட்டாங்க .இதற்கு என்ன பதில் சொல்றது என சங்கடத்தில் வேதனை அடைந்ததாக விஜே ஐஸ்வர்யா தெரிவித்தார்.

பிரபல தொலைக்காட்சியில் விஜே பணியில் பல ஆண்டுகளாக பணியாற்றிய விஜே ஐஸ்வர்யாவுக்கு திருமணமாகி குடும்ப வாழ்க்கையில் கலந்து விட்டார். அவர் யூடியூப் சேனலுக்கு அளித்த பேட்டியில் கூறியிருப்பதாவது: விஜேவாக இருந்த போது நிறைய பேசிக் கொண்டிருந்தேன்.

தற்போது திருமணமாகி இல்லற வாழ்வில் அடியெடுத்து வைத்துவிட்டதால் 2 ஆண்டுகளாக பேசாமல் வீட்டில் இருக்கிறேன். என் பசங்களுடன் பேசிக் கொண்டிருக்கிறேன். ஆனால் ஆரம்பத்தில் கலகலவென பேசிவிட்டு அமைதியாக இருந்தது மன உளைச்சலாக இருந்தது.

ஆனால் இப்போது தேற்றிக் கொண்டுவிட்டேன். விஜே அர்ச்சனா அக்காவை பார்த்துதான் நான் விஜே ஆக வேண்டும் என இந்த பணிக்கு வந்தேன். இப்ப இருக்கும் விஜேக்களுக்கும் அர்ச்சனா அக்காவுக்கும் நிறைய வித்தியாசங்கள் உண்டு. விஜே அர்ச்சனா அக்கா ரொம்ப சிம்பிளா இருப்பாங்க. இப்போ இருக்கும் விஜேக்கள் கொஞ்சம் ஆட்டிடியூட் காட்டுகிறார்கள்.

நான் பார்த்தவரை அப்படிதான் இருக்கிறது. பொதுவாகவே பெண்கள் என்றால் ஓவரா பண்ணுவாங்க, அதிலும் மீடியா பெண்கள் என்றால் கேட்கவே வேண்டும் என சிலர் நினைப்பார்கள். உண்மையில் மீடியாவில் இருக்கும் எல்லா பெண்களும் அப்படியில்லை. ஆண் விஜேக்கள் மாதிரி பெண் விஜேக்கள் நீண்ட காலம் தாக்குப் பிடிப்பதில்லை.

இதற்கு காரணமே கல்யாணம் ஆகிவிட்டால் பெண் வீடியோ ஜாக்கிகள் வேண்டாம் என கருதுகிறார்கள். எத்தனை பேர் கல்யாணம் ஆகி விஜேக்களாக இருக்கிறார்கள் என்பதை பாருங்கள். அவர்களுக்கு தேவை அவுட்புட்தானே. அதில் கல்யாணம் ஆனவர்களாக இருந்தால் என்ன ஆகாதவர்களாக இருந்தால் என்ன

நான் பணியாற்றிய காலத்தில் இருந்த ஒரு விஜே கூட இப்போது பணியில் இல்லை. இதுக்கு மேல அசிங்கப்பட எதுவுமே இல்லை என்பதால்தான் நான் வெளியே வந்தேன். ஒரு சின்ன மேடைக்கு போனால் கூட முகத்தை பார்க்கிறார்கள். திறமையை பார்ப்பதே இல்லை. ஆணும் பெண்ணும் சமம் என்கிறார். ஆனால் அது போல் பார்ப்பதில்லையே.

எந்த இடத்திற்கு போனாலும் அதிலும் குறிப்பாக மீடியா துறையில் ஆண், பெண் பாரபட்சம் இருக்கிறது. நேரலையில் சில கேள்விகள் சங்கடப்படும்படியாக இருக்கும். எனக்கு திருமணமாகி சில நாட்கள் கழித்து நிகழ்ச்சிக்கு வந்தேன். எனக்கு வழக்கமாக போன் செய்யும் ஒருவர் என்ன மேடம் ரொம்ப நாளா ஜாலியா இருந்தீங்களா என கேட்டார்.

அவரின் கேள்விக்கு என்ன சொல்வதென்றே தெரியவில்லை. நானும் அவரை சமாளித்துக் கொண்டே நிற்கிறேன். அவர் விடுவதாக இல்லை. இதற்கெல்லாம் நான் எப்படி பதில் சொல்ல முடியும். இவருக்கு பதில் சொல்லிவிட்டு எப்படி என் குடும்பத்தை எப்படி பார்ப்பேன். இப்படி பல சங்கடங்கள் இருக்கும் என ஐஸ்வர்யா தெரிவித்தார்.

English summary

Video Jockey Iswarya says that some people ask very personal questions to us. We dont know how to reply.