தீவிரம் அடைகிறது.. விரைவில் வரும் நிசார்கா புயல்.. செம மழை பெய்ய போகிறது.. கேரளாவிற்கு மஞ்சள் அலர்ட்

Published: Sunday, May 31, 2020, 21:18 [IST]

Subscribe to Oneindia Tamil

திருவனந்தபுரம்: நிசார்கா புயல் காரணமாக கேரளா, குஜராத் மற்றும் மகாராஷ்டிராவிற்கு கனமழை எச்சரிக்கை விடுக்கப்பட்டுள்ளது.

எங்கு வீசும்

குஜராத் மற்றும் மகாராஷ்டிராவிற்கு இதனால் தற்போது புயல் எச்சரிக்கை விடுக்கப்பட்டுள்ளது. நிசார்கா புயல் காரணமாக அங்கு முன்னெச்சரிக்கை நடவடிக்கைகளை எடுக்க வேண்டும் என்று இந்தியா வானிலை மையம் எச்சரித்துள்ளது. கடலோர பகுதிகளில் முன்னெச்சரிக்கை நடவடிக்கை எடுக்க வேண்டும் என்று இந்தியா வானிலை மையம் அறிவுறுத்தி உள்ளது.

குஜராத் நிலை

இந்த நிலையில் இந்த நிசார்கா புயல் காரணமாக குஜராத், மகாராஷ்டிரா மற்றும் கேரளாவில் கனமழை பெய்யும் என்று கணிக்கப்பட்டுள்ளது. குஜராத்தில் இந்த நிசார்கா புயல் காரணமாக கடுமையாக மழை பெய்யும் என்று எச்சரிக்கை விடுக்கப்பட்டுள்ளது. குஜராத்தில் ஆனந்த் , சூரத், நவ்சாரி, வாபி, பரூச் ஆகிய பகுதிகளில் சூறாவளி காற்று வீசும், அங்கு கடுமையாக மழை பெய்யும் வானிலை மையம் தெரிவித்துள்ளது.

மகாராஷ்டிரா நிலை

ஆனால் நிசார்கா புயல் காரணமாக மகாராஷ்டிராவில் கடுமையாக மழை பெய்யும். ஆனால் அங்கு புயல் நேரடியாக தாக்க வாய்ப்பு இல்லை. அதே சமயம் நிசார்கா காரணமாக கேரளாவில்தான் மிக அதிக கனமழை பெய்யும் என்று வானிலை மையம் தெரிவித்துள்ளது. அடுத்த ஒரு வாரம் அங்கு மழை பெய்யும் என்று கூறப்பட்டுள்ளது. இதனால் அங்கு பல பகுதிகளுக்கு தற்போது மஞ்சள் எச்சரிக்கை (Yellow alert) விடுக்கப்பட்டுள்ளது.

எங்கு எல்லாம்

திருவனந்தபுரம், கொல்லம், பத்தனம்திட்டா, ஆலப்புழா, கோட்டயம், எர்ணாகுளம், மலப்புரம் பகுதிகளில் ஜூன் 1ம் தேதி மஞ்சள் எச்சரிக்கை விடுக்கப்பட்டுள்ளது. ஜூன் 2ம் தேதிக்கு எர்ணாகுளம், திருச்சூர், மலப்புரம், கோழிக்கோடு, கசார்கோடு ஆகிய பகுதிகளில் மஞ்சள் எச்சரிக்கை விடுக்கப்பட்டுள்ளது. ஜூன் 3ம் தேதிக்கு கண்ணூர் , காசர்கோடு மஞ்சள் எச்சரிக்கை விடுக்கப்பட்டுள்ளது.

Published On May 31, 2020