பிரபல நடிகை அஞ்சலி நாயர் தந்த இன்ப அதிர்ச்சி.. "ஆசீர்வதியுங்களேன்".. குவிந்துபோன வாழ்த்துக்கள்

பிரபல தமிழ் மற்றும் மலையாள நடிகை அஞ்சலி நாயருக்கு பெண் குழந்தை பிறந்துள்ளது

திருவனந்தபுரம்: பிரபல நடிகை அஞ்சலி நாயருக்கு பெண் குழந்தை பிறந்துள்ளதையடுத்து, கேரளா மற்றும் தமிழ் சினிமா உலகினர் திரண்டு வந்து வாழ்த்து சொல்லி வருகிறார்கள்.

மலையாள திரையுலகில் முன்னணி குணச்சித்திர நடிகையாக இருப்பவர்... சிறந்த நடிகைக்கான கேரள அரசின் விருதும் பெற்றவர் அஞ்சலி நாயர்.

தமிழில் கடந்த 2010-ம் ஆண்டு வெளியான நெல்லு படம் மூலம் நடிகையாக அறிமுகமானார்.. பிறகு கோட்டி, உன்னையே காதலிப்பேன், இதுவும் கடந்து போகும், நீ நான் நிழல், கிருஷ்ணம் போன்ற தமிழ் படங்களிலும் நடித்தார்..

திர்ஷ்யம் - மோகன்லால்

ஆனால், இந்த படங்கள் அவருக்கு எதிர்பார்த்த வெற்றியை கொடுக்காததால், மலையாள திரையுலகுக்கு சென்றார்.. அங்கு இவர் நடித்த படங்கள் அத்தனையும் தொடர்ந்து வெற்றி பெற்றதால், அடுத்தடுத்து பட வாய்ப்புகளும் குவிந்தன... மம்முட்டி, மோகன்லால் போன்ற முன்னணி நடிகர்களுடன் நடித்து பிரபலமடைந்தார்... அதிலும், ஜீத்து ஜோசப் இயக்கத்தில் கடந்த வருடம் வெளியாகி வெற்றிபெற்ற திரிஷ்யம் 2 (drishyam 2) படத்தில் போலீஸ் அதிகாரியாக நடித்து, கேரள மக்களின் மனங்களை கொள்ளை கொண்டவர் அஞ்சலி நாயர்.

ரகசிய திருமணம்

இதையடுத்து, விஜய் சேதுபதியின் மாமனிதன், ரஜினியின் அண்ணாத்த படத்திலும் முக்கிய கதாபாத்திரம் ஒன்றில் நடித்திருந்தார் அஞ்சலி நாயர்... ஒருகட்டத்தில் தமிழ், மலையாளம் சினிமாவில் கிட்டத்தட்ட 150 படங்களுக்கு மேல் நடித்துவிட்டார் அஞ்சலி.. இவர் பிசியாக நடித்து கொண்டிருந்தபோதே, திடீரென அஜித் ராஜு என்பவரை கடந்த பிப்ரவரி மாதம் ரகசியமாக இரண்டாவது திருமணம் செய்துகொண்டார்... அஜித் ராஜு சினிமாவில் உதவி இயக்குநராக பணியாற்றி வருகிறார்...

கர்ப்பிணி

அஞ்சலிக்கு கடந்த 2011-ம் ஆண்டு அனீஷ் என்ற டைரக்டருடன் திருமணம் நடந்தது.. 10 வருடங்கள் சேர்ந்து வாழ்ந்த இந்த தம்பதிக்கு 5 வயதில் ஒரு பெண் குழந்தையும் உள்ளது. பிறகு கருத்து வேறுபாடு காரணமாக, 2016-ல் இவர்கள் விவாகரத்து பெற்று பிரிந்துவிட்டனர்.. தனிமையில் அஞ்சலி வாழ்ந்து வந்தபோதுதான், இரண்டாவது திருமணம் செய்தார்.. இந்நிலையில், நிறைமாத கர்ப்பிணியாக இருந்த அஞ்சலி நாயருக்கு அழகான பெண் குழந்தை ஒன்று பிறந்துள்ளது... தன்னுடைய சோஷியல் மீடியா பக்கத்தில், குழந்தை மற்றும் அஜித் ராஜூவுடன் இருக்கும் போட்டோவை அஞ்சலி நாயர் ஷேர் செய்துள்ளார்.

ஆசீர்வாதம்

அத்துடன், "எங்கள் புதிய குடும்ப உறுப்பினர்.. இனிமையான பெண் குழந்தையை போலவே, வாழ்க்கையும் அற்புதங்கள் நிறைந்தது. உங்கள் அனைவரின் ஆசியும் தேவை" என்று தெரிவித்துள்ளார்... இதையடுத்து ரசிகர்களும் திரையுலகினரும் அவருக்கு வாழ்த்துகளை தெரிவித்து வருகின்றனர்.. கியூட் குழந்தையுடன், போஸ் தரும் இந்த இளம்பெற்றோர்களின் போட்டோதான் இணையத்தில் வைரலாகி வருகிறது.

English summary

the famous actress anjali nair and husband ajith raju welcomes baby girl பிரபல தமிழ் மற்றும் மலையாள நடிகை அஞ்சலி நாயருக்கு பெண் குழந்தை பிறந்துள்ளது