விசாவே தேவையில்லை.. இந்திய சுற்றுலாப் பயணிகளுக்கு குட் நியூஸ் சொன்ன தாய்லாந்து.. ஆனால் ஒரு கண்டிஷன்

பாங்காக்: தாய்லாந்து நாட்டுக்கு வரும் இந்தியர்களுக்கு விசா தேவையில்லை என்று அந்நாட்டு அரசு அறிவித்துள்ளது. இதன் மூலம் இந்திய சுற்றுலாப் பயணிகள் தாய்லாந்தில் விசா எதுவும் இன்றி 60 நாட்கள் வரை தங்கியிருக்க முடியும். வரும் 11 ஆம் தேதி வரை மட்டுமே இந்த சலுகை என அறிவித்து இருந்த தாய்லாந்து அரசு, தற்போது கால வரையின்றி நீட்டித்து உத்தரவிட்டுள்ளது.

ஆசிய நாடுகளில் ஒன்று தாய்லாந்து. சுற்றுலாவிற்கு பெயர் போனதாகவும், உலக அளவில் சுற்றுலா பயணிகள் அதிகம் விரும்பும் டாப் 10 நாடுகளில் ஒன்றாகவும் தாய்லாந்து உள்ளது. இந்தியா உள்பட சர்வதேச நாட்டு பயணிகள் பலரும் தாய்லாந்துக்கு அதிக அளவில் சுற்றுலா செல்கிறார்கள்.

தாய்லாந்து சுற்றுலா சென்று வர பெரிய அளவில் கட்டணமும் ஆகாது என்பதால் நடுத்தர வர்க்கத்தினர் கூட இங்கு சுற்றுலா செல்வதை பார்க்க முடிகிறது. தாய்லாந்து நாட்டை பொறுத்தவரை சுற்றுலா வருவாயை பெரிதும் நம்பியுள்ளது. அந்த நாட்டின் மொத்த உள்நாட்டு உற்பத்தி எனப்படும் ஜிடிபியில் 20 சதவீதத்தை சுற்றுலாத்துறையே பெற்றுள்ளது.

இதனால், வெளிநாட்டு சுற்றுலாப் பயணிகளை கவர பல்வேறு நடவடிக்கைளை தாய்லாந்து அரசு மேற்கொண்டு வருகிறது. அந்த வகையில், தாய்லாந்தில் இந்தியர்களுக்கு விசா சலுகை அளிக்கப்பட்டுள்ளது. இந்திய சுற்றுலாப் பயணிகள் தாய்லாந்தில் விசா எதுவும் இன்றி 60 நாட்கள் வரை தங்கியிருக்க முடியும். இதற்கு முன்பாக இந்த சலுகை அறிவிக்கப்பட்டு இருந்தது.

வரும் 11 ஆம் தேதியுடன் இந்த சலுகை முடிவடைய இருந்த நிலையில் தற்போது கால வரையின்றி நீட்டித்து தாய்லாந்து அரசு உத்தரவிட்டுள்ளது. தற்போதைய விதிகளின் படி 60 நாட்கள் வரை விசா எதுவும் இன்றி தாய்லாந்தில் இந்திய சுற்றுலாப் பயணிகள் தங்கியிருக்கலாம். குடியேற்ற அதிகாரிகளிடம் அனுமதி பெற்று கூடுதலாக 30 நாட்கள் வரை தங்கியிருக்கலாம்.

தாய்லாந்து நாட்டை பொறுத்தவரை அங்குள்ள பழமையான கலாசாரம் மற்றும் பாரம்பரிய பகுதிகள் சுற்றுலா பயணிகளை பெரிதும் கவர்ந்து இழுக்க கூடியாதாக உள்ளது. தாய்லாந்து தலைநகர் பாங்காங் மிகச்சிறந்த சுற்றுலாத் தலமாக உள்ளது. தாய்லாந்தில் நடைபெறும் இரவு நேர கொண்டாட்டங்கள் சுற்றுலா பயணிகளை பெரிதும் கவர்ந்து இழுக்க கூடியதாக உள்ளது.

தாய்லாந்து மட்டும் இன்றி மலேசியா, கத்தார், இலங்கை, பூடான், நேபாளம் உள்ளிட்ட நாடுகளுக்கும் இந்தியர்கள் விசா இன்றி செல்ல அனுமதி அளிக்கப்பட்டுள்ளது.

English summary

The government of Thailand has announced that there is no need for a visa for Indians coming to Thailand. This allows Indian tourists to stay in Thailand for up to 60 days without any visa. The Thai government, which had announced this concession only until the 11th, has now extended it indefinitely.