எங்களை கூட்டணியை விட்டு வெளியேற்றி பாருங்கள்.. 100 தொகுதிகளில் திமுக தோற்கும்! விசிக நிர்வாகி பேச்சு
தைரியம் இருந்தால் விடுதலை சிறுத்தைகள் கட்சியை கூட்டணியை விட்டு வெளியேற்றி பாருங்கள், தமிழகத்தின் வட மாவட்டங்களில் 100 தொகுதிகள் உங்களுக்கு காணாமல் போகும் என்று, விசிக நிர்வாகி திமுகவுக்கு சவால்விடுத்தார்.
தென்காசி புதிய பேருந்து நிலையம் அருகில் விடுதலை சிறுத்தைகள் கட்சி சார்பில் தமிழகத்தில் தொடர்ந்து நடைபெற்று வரும் ஆணவ படுகொலைகளை கண்டித்து கண்டன ஆர்ப்பாட்டம் மாவட்ட செயலாளர் பண்பொழி செல்வம் தலைமையில் நடைபெற்றது.
இந்த ஆர்ப்பாட்டத்தில் சிறப்பு அழைப்பாளராக கலந்து கொண்டு பேசிய விடுதலை சிறுத்தைகள் கட்சியின் இளம் சிறுத்தைகள் எழுச்சி பாசறை மாநில துணைச் செயலாளர் கார்த்திக் பேசியபோது,
திமுக அதிமுக கொடி பறக்காத இடங்களிலும் விசிக கொடி பறக்கும், திமுக தலைமை தைரியம் இருந்தால் விசிக வை கூட்டணியை விட்டு வெளியேற்றி பாருங்கள். வரும் 2026 சட்டமன்றத் தேர்தலில் விசிக தலைவர் திருமாவளவன் கை காட்டுபவரே முதல்வராக வரமுடியும்.
விசிக-வை கூட்டணியை விட்டு வெளியேற்ற உங்களுக்கு தைரியம் இருக்கிறதா? திமுக வெளியேற்றினால் வட மாவட்டங்களில் திமுகவுக்கு 100 தொகுதிகள் காணாமல் போகும் என திமுகவுக்கு சவால் விட்டு பேசினார்.
திமுகவை விமர்சித்த ஆதவ் அர்ஜுன் 6 மாத காலம் சஸ்பெண்ட் செய்யப்பட்டார். ஆனால், விடுதலை சிறுத்தைகள் கட்சிக்குள் ஆங்காங்கு இதற்கு எதிராக இரண்டாம் கட்ட தலைவர்கள் குமுறலை வெளிப்படுத்தி வருகிறார்கள். தென்காசி மாவட்டத்திலும் அப்படி ஒரு குமுறல் வெளியே வந்துள்ளது.
Click it and Unblock the Notifications
Sign in with Google