போக்குவரத்து
திருச்சி நகரத்தில் விமான நிலையம், ரயில் நிலையம் மற்றும் சிறந்த பஸ் வசதி ஆகியவை உள்ளன. திருச்சி நகரிலிருந்து ஐந்து கிலோமீட்டர் தொலைவில் விமான நிலையம் உள்ளது. சென்னை, ஷார்ஜா, கொழும்பு ஆகிய நகரங்களுக்கு இங்கிருந்து விமானங்கள் இயக்கப்படுகின்றன.
தென்னக ரயில்வேயின் முக்கிய ரயில் நிலையங்களுள் திருச்சி நிலையம் ஒன்று. சென்னை, மதுரை, திருப்பதி, தூத்துக்குடி, ராமேஸ்வரம், தஞ்சாவூர் மற்றும், பெங்களூர், மைசூர், கொச்சி, மங்களூர் ஆகிய நகரங்களுக்கும் இங்கிருந்து ரயில்கள் உள்ளன.
தென் தமிழகம் மற்றும் தமிழகத்தின் பிற பகுதிகளுடன் திருச்சிக்கு நல்ல சாலை வசதி உள்ளது. மத்திய பேருந்து நிலையம், சத்திரம் ஆகிய பகுதிகளிலிருந்து நகரின் பல்வேறு பகுதிகளுக்கும் நகரப் பேருந்துகள் இயக்கப்படுகின்றன. இவை தவிர, டூரிஸ்ட் டாக்சிகள், ஆட்டோக்கள், மற்றும் சைக்கிள் ரிக்ஷாக்களும் போதுமான அளவில் உள்ளன