200 ரூபாய்க்கு கூட பயணிக்கலாம்.. குறைவான கட்டணத்தில் விமான டிக்கெட் புக் செய்வது எப்படி?

சென்னை: இந்தியாவில் தற்போது 200 ரூபாய்க்கு கூட டிக்கெட் எடுத்து விமானத்தில் பயணிக்க முடியும். ஆனால் அதற்கான வழிகளைத்தான் நாம் காண வேண்டும். குறைவான கட்டணத்தில் விமான டிக்கெட் புக் செய்வது எப்படி என்பதை இப்போது பார்ப்போம்.

இன்றைக்கு விமானத்தில் செல்வது என்பது எளிதானது அல்ல.. விமான கட்டணம் நினைத்து பார்க்க முடியாத அளவிற்கு உள்ளது. இதனால் சாமானியர்கள விமானத்தில் பயணம் செய்யும் கனவு, வெறும் கனவாக போய்விடுகிறது. அதேநேரம் விமான நிறுவனங்கள் சில நேரங்களில் பயண கட்டணத்தை சலுகையாக குறைக்கிறார்கள். இந்த கிரிடிட் கார்டு பயன்படுத்தினால் தள்ளுபடி, இந்த ஆப்பில் புக்கிங் செய்தால் தள்ளுபடி என்று அறிவிக்கிறார்கள்.

இதேபோல் விமான டிக்கெட் விற்காத நாட்களில் குறைந்த கட்டணமே வசூலிக்கிறார்கள். நாம் பயணிக்க விரும்பும் பாதையில் மட்டுமல்ல, இந்தியாவில் இருந்து நாட்டில் உள்ள எந்த நகரத்திற்கும் குறைந்த கட்டணத்தில் பயணிக்க முடியும். அதற்கான நாட்கள் என்ன என்பதை கவனித்து, நாம் தான் சரியான முறையில் புக்கிங் செய்ய வேண்டும். இந்தியாவிற்குள் மட்டுமல்ல.. இந்தியாவில் இருந்து உலகின் எந்த நகரத்திற்கும் குறைந்த கட்டணத்தில் பயணிக்க முடியும். ஏன் இந்தியா என்று இல்லை.. உலகின் எந்த மூளையில் இருந்தும் எந்த மூளைக்கும் குறைவான கட்டணத்தில் விமானத்தில் போக முடியும். ஆனால் அந்த நாளை தேர்ந்தெடுத்து பயணிப்பது நம் கையில் தான் இருக்கிறது.

சரிப்பா, குறைவான கட்டணத்தில் விமான டிக்கெட் புக் செய்வது எப்படி என்பது சொல்லுப்பா.. என்கிறீர்களா.. நிச்சயம் இப்போதே பார்ப்போம். பெரிய மேஜிக் எல்லாம் ஒன்றும் இல்லை.. skyscanner app என்ற ஆப்பை கூகுள் பிளே ஸ்டோரில் இருந்து டவுன்லோடு செய்யுங்கள்.அதில் போய் பிளைட் பகுதியில் நகரத்தின் கட்டத்தில் இந்தியா என்று டைப் செய்யுங்கள். கீழே everywhere (எங்கு வேண்டுமானாலும்) என டைப் செய்யுங்கள்.

நேரம், நாள் என எதையும் குறிப்பிட வேண்டாம். அப்படி செய்தால் இந்தியாவில் மிககுறைவான கட்டணத்தில் எந்தெந்த வழித்தடத்தில் விமானங்கள் உள்ளன என்பதை இந்தியா என்று காட்டும். இந்தியாவை கிளிக் செய்தால், அதில் எந்தெந்த நகரங்களுக்கு இடையே எந்த நாளில் குறைவான கட்டணம் என்பதை காட்டும். வெளிநாடு என்றால் வெளியிலேயே குறைவான கட்டணங்களை காட்டும். இந்தியாவிற்கு 200 ரூபாயில் இருந்த குறைவான கட்டணம் இருப்பதை காட்டும். 500, 1000 , 2000, 3000 என விரும்பிய நகரங்களுக்கு குறைந்த கட்டணம் காட்டும்.

skyscanner app ஆப்பில் எந்த நாளில் குறைவான கட்டணம் என்பதையும், எந்தெந்த நகரங்களுக்கு இடையே குறைவான கட்டணம் என்பதையும் காட்டும். இதை பார்த்துவிட்டு அப்படியே புக்கிங் செய்ய தேவையில்லை.. நேரடியாக எந்த விமான நிறுவனமோ அதன் அதிகாரப்பூர்வ பக்கத்திற்கு சென்று புக்கிங் செய்தால் கட்டணம் மிக குறைவாக இருக்கும். வங்கி கார்டுகளுக்கான ஆபர்கள் இருந்தால் அதுவும் கிடைக்கும். அதேபோல் மேக் மை ட்ரிப், ஐஆர்சிடிசி உள்ளிட்ட டிராவல் ஏனென்சிகள் வழியாகவும் புக்கிங் செய்யலாம். அவர்களும் ஆஃபர்களை வழங்குகிறார்கள். உங்களுக்கு வேண்டிய நாளில் எளிதாக புக்கிங் செய்யலாம். வெளிநாடுகளுக்கும் மிக குறைவான கட்டணத்தில் skyscanner app ஆல் புக்கிங் செய்ய முடியும். முயற்சி செய்து பாருங்கள்.

English summary

In India, you can now travel by plane for as little as 200 rupees. But we have to find ways to do that. Now let's see how to book cheap flight tickets.