சென்னையில் இந்த ஆண்டு முதல் முறையாக கொளுத்திய வெப்பம்! வேலூரில் எவ்வளவு?

சென்னை: சென்னையில் இந்த ஆண்டு முதல் முறையாக 105 டிகிரி பாரன்ஹீட் வெப்பம் இன்று பதிவாகியுள்ளது.

இதுகுறித்து வானிலை மையம் அறிவித்துள்ள செய்திக் குறிப்பில் கூறியிருப்பதாவது: சென்னை மீனம்பாக்கத்தில் அதிகபட்ச வெப்பநிலையாக 105. 08 டிகிரி பாரன்ஹீட்டும், குறைந்தபட்சமாக 84.38 வெப்பநிலையும் பதிவாகியுள்ளது.

அது போல் சென்னை நுங்கம்பாக்கத்தில் அதிகபட்ச வெப்பநிலையாக 105. 08 டிகிரி பாரன்ஹீட்டும், குறைந்தபட்சமாக 87.44 வெப்பநிலையும் பதிவாகியுள்ளது. அது போல் திருச்சியில் அதிகபட்ச வெப்பநிலையாக 100.22 டிகிரி பாரன்ஹீட்டும், குறைந்தபட்சமாக 84.2 டிகிரி பாரன்ஹீட் வெப்பநிலையும் பதிவாகியுள்ளது.

சேலத்தில் அதிகபட்ச வெப்பநிலையாக 97.34 டிகிரி பாரன்ஹீட்டும், குறைந்தபட்சமாக 77 டிகிரி பாரன்ஹீட் வெப்பநிலையும் பதிவாகியுள்ளது. மதுரையில் அதிகபட்ச வெப்பநிலையாக 101.12 டிகிரி பாரன்ஹீட்டும், குறைந்தபட்சமாக 81.31 டிகிரி பாரன்ஹீட் வெப்பநிலையும் பதிவாகியுள்ளது.

சென்னை வானிலை ஆய்வு மைய அறிவிப்பின்படி தமிழகத்தில் அதிகபட்ச வெப்பநிலை இரண்டு முதல் மூன்று டிகிரி செல்சியஸ் வரை அதிகரிக்க கூடும். நாளை முதல் 31ஆம் தேதி வரை வெப்பநிலை புதுச்சேரி மற்றும் தமிழகத்தில் இயல்பை விட அதிகமாக இருக்கும். சென்னையைப் பொறுத்தவரை 102 டிகிரி பாரன்ஹீட் வெயில் சுட்டெரிக்கும் எனத் தெரிவிக்கப்பட்டுள்ளது.

அதேபோல் இன்று தென்மேற்கு வங்கக்கடலில் மணிக்கு 45 முதல் 55 கிலோமீட்டர் வேகத்தில் சூறைக்காற்று வீசும். 28 மற்றும் 29 ஆம் தேதிகளில் குமரிக் கடல், மன்னார் வளைகுடா பகுதிகளில் மணிக்கு 35 முதல் 45 கிலோமீட்டர் வேகத்தில் காற்று வீசும் இதனால் மீனவர்கள் எச்சரிக்கையுடன் இருக்க வேண்டும் என அறிவிக்கப்பட்டுள்ளது. வெப்பநிலை அதிகரித்தாலும் தமிழகத்தில் அடுத்த ஏழு நாட்களுக்கு ஒரு சில இடங்களில் மிதமான மழைக்கு வாய்ப்பு இருக்கும் எனவும் அறிவிக்கப்பட்டுள்ளது.

கோவையில் அதிகபட்ச வெப்பநிலையாக 90.68 டிகிரி பாரன்ஹீட்டும், குறைந்தபட்சமாக 74.48 டிகிரி பாரன்ஹீட் வெப்பநிலையும் பதிவாகியுள்ளது. கொடைக்கானலில் அதிகபட்ச வெப்பநிலையாக 75.2 டிகிரி பாரன்ஹீட்டும், குறைந்தபட்சமாக 57.02 டிகிரி பாரன்ஹீட் வெப்பநிலையும் பதிவாகியுள்ளது.

ஊட்டியில் அதிகபட்ச வெப்பநிலையாக 74.48 டிகிரி பாரன்ஹீட்டும், குறைந்தபட்சமாக 56.12 டிகிரி பாரன்ஹீட் வெப்பநிலையும் பதிவாகியுள்ளது. புதுவையில் அதிகபட்ச வெப்பநிலையாக 101.12 டிகிரி பாரன்ஹீட்டும், குறைந்தபட்சமாக 82.58 டிகிரி பாரன்ஹீட் வெப்பநிலையும் பதிவாகியுள்ளது.

வேலூரில் 103.82 டிகிரி பாரன்ஹீட்டும், தஞ்சையில் 102.2 டிகிரி பாரன்ஹீட்டும் கடலூரில் 101.12 டிகிரி பாரன்ஹீட்டும் வெப்பநிலை பதிவானது. அது போல் ஈரோடு, மதுரை, திருத்தணி உள்ளிட்ட இடங்களில் 100 டிகிரி பாரன்ஹீட்டுக்கு மேல் பதிவாகியுள்ளது. தமிழகத்தில் 10 இடங்களில் வெயில் சதம் அடித்துள்ளது.

அது போல் தமிழ்நாடு வெதர்மேன் தனது எக்ஸ் வலைதளத்தில் கூறியிருப்பதாவது: சென்னை, காஞ்சிபுரம், திருவள்ளூர், செங்கல்பட்டில் இன்று வெயில் கடுமையாக இருக்கும். செம்ம ஹாட் நாளாக இருக்க போகிறது. சென்னை, காஞ்சிபுரம், திருவள்ளூர், செங்கல்பட்டில் இன்று சில இடங்களில் வெயில் 42 டிகிரி செல்ஸியஸ் வரை கூட செல்லும்.

சென்னை, காஞ்சிபுரம், திருவள்ளூர், செங்கல்பட்டு ஆகிய பகுதிகளில் ஹீட் வேவ் இருக்கும். ராணிப்பேட்டை , வேலூரிலும் ஹீட் வேவ் இருக்கும். தமிழ்நாட்டின் எல்லா பகுதிகளுக்கும் ஹீட் வேவ் இருக்காது. கன்னியாகுமரியில் பெரிய அளவில் மழை பெய்ய வாய்ப்பு இல்லை என தெரிவித்துள்ளார்.

English summary

Chennai today witnesses 105 degree fahrenhiet heat for the first time this year.