கலகலத்துப்போன கடலூர்.. 69 மிமீ கனமழை ஒரே நாளில் கொட்டித்தீர்த்துருச்சே! புதுச்சேரியிலும் சம்பவம்

சென்னை: தமிழ்நாட்டில் அதிகபட்சமாக நேற்று கடலூரில் 69 மிமீ மழை கொட்டித் தீர்த்து இருப்பதாக சென்னை வானிலை ஆய்வு மையம் தெரிவித்து உள்ளது.

இதுகுறித்து சென்னை வானிலை ஆய்வு மையம் வெளியிட்டு உள்ள அறிவிப்பில், "நேற்று காலை 8.30 மணி முதல் இன்று அதிகாலை 5.30 மணி வரை கொட்டிய மழை அளவு (மில்லி மீட்டர்) கணக்கில்.. நுங்கம்பாக்கம் - 0.3, மீனம்பாக்கம் - 1.0, கடலூர் - 69.0, புதுச்சேரி - 64.0, தொண்டி - 15.0, பாம்பன் - 12.0, ஏற்காடு - 10.0, காரைக்கால் - 10.0, சேலம் - 4.0, திருச்சிராப்பள்ளி - 4.0, அரியலூர்- 3.0, வேலூர் - 3.0, கொடைக்கானல் - 3.0, அதிராம்பட்டினம் - 3.0, கோவை - 2.0, வால்பாறை - 0.8, நாகப்பட்டினம் - 0.7, திருப்பத்தூர் - 0.4, மதுரை நகரம் - 0.4, மதுரை AP- 0.2, என்று குறிப்பிடப்பட்டு உள்ளது.

சென்னை வானிலை மையம் முன்னதாக வெளியிட்ட அறிவிப்பில், "தெற்கு அந்தமான் கடல் மற்றும் அதனை ஒட்டியுள்ள தென் கிழக்கு வங்கக்கடல் பகுதிகளில் 27 ஆம் தேதி வாக்கில் ஒரு காற்றழுத்த தாழ்வு பகுதி உருவாகக்கூடும். இது மேற்கு - வடமேற்கு திசையில் நகர்ந்து தென்கிழக்கு வங்கக்கடல் பகுதிகளில் 29-ஆம் தேதி வாக்கில் காற்றழுத்த தாழ்வு மண்டலமாக வலுபெறக்கூடும்.

கிழக்கு திசை காற்றின் வேகமாறுபாடு காரணமாக, இன்று தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும். 27.11.2023 முதல் 01.12.2023 வரை: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு: அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய மிதமான மழை பெய்யக்கூடும். அதிகபட்ச வெப்பநிலை 30 டிகிரி செல்சியஸ் மற்றும் குறைந்தபட்ச வெப்பநிலை 24 டிகிரி செல்சியஸாகவும் இருக்கக்கூடும்.

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான / மிதமான மழை பெய்யக்கூடும். அதிகபட்ச வெப்பநிலை 31 டிகிரி செல்சியஸ் மற்றும் குறைந்தபட்ச வெப்பநிலை 24 டிகிரி செல்சியஸாகவும் இருக்கக்கூடும்." என்று குறிப்பிடப்பட்டு உள்ளது.

English summary

According to the Chennai Meteorological Department, Cuddalore received the maximum rainfall of 69 mm in Tamil Nadu yesterday.