நடிகர் எஸ்வி சேகரிடம் இருந்து இந்த நேரத்தில் இப்படி ஒரு வீடியோ.. சபாஷ் சொல்லும் நெட்டிசன்கள்

சென்னை : சென்னையில் மயிலாப்பூர், பட்டினம்பாக்கம்,எம்ஆர்சி நகர், அடையாறு, மந்தைவெளி, ராஜா அண்ணாமலைபுரம், திருவல்லிக்கேணி, ராயப்பேட்டை, மெரினா கடற்கரை, சேப்பாக்கம், அண்ணா சாலை, தேனாம்பேட்டை, சைதாப்பேட்டை கிண்டி, என சென்னையின் மையப்பகுதி உள்பட மாநகரம் முழுவதும் கனமழை பெய்து வருகிறது.இந்நிலையில் மைலாப்பூரில் கனமழைக்கு நடுவே எஸ்வி சேகர், கோரிக்கை வைத்து வீடியோ ஒன்றை பகிர்ந்துள்ளார்.

சென்னையில் வானிலை மையம் எச்சரித்தபடி பல இடங்களில் கனமழை பெய்து வருகிறது. பல இடங்களில் சென்னை மாநகராட்சி பணியாளர்கள் கொட்டும் மழையிலும் குப்பைகளை அகற்றுவது, கால்வாய்களில் ஏற்பட்டுள்ள அடைப்புகளை நீக்குவது உள்ளிட்ட பல்வேறு பணிகளை மேற்கொண்டு வருகிறார்கள்.. சென்னையில் மயிலாப்பூர் கனமழையை பொருட்படுத்தாமல் தூய்மை பணியாளர்கள் கழிவு நீர் அடைப்பை சரி செய்ய வந்திருக்கிறார்கள். அப்போது அவர்களை சந்தித்த நடிகர் எஸ்வி சேகர், பொதுமக்களுக்கு வேண்டுகோள் விடுத்து வீடியோ வெளியிட்டார்.

அந்த வீடியோவில், எஸ்வி சேகர் பேசுகையில், எல்லாருக்கும் வணக்கம், இந்த மாதிரியான சூழலில் கூட, சென்னை கழிவு நீர் அகற்றும் வாரிய ஊழியர்கள் வந்துள்ளார்கள்,, எங்கோ அடைப்பு இருப்பதாக வந்த புகாரின் பேரில் உடனே வந்துள்ளார்கள்.. அவர்களுக்கு பாராட்டுதல்களை தெரிவித்துக் கொள்கிறேன்.. பொதுவாக இயற்கை பேரிடர் ஏற்படும். அதே நேரம் மழைநீர் வடிகால்களில் நாம் என்ன செய்கிறோம் என்றால், பிளாஸ்டிக் மற்றும் குப்பைகளை எல்லாம் அதற்குள் போட்டு விடுகிறோம்..

என் வேண்டுகோள் 🙏 pic.twitter.com/GWW3Oso2i0

— S.VE.SHEKHER🇮🇳 (@SVESHEKHER) October 15, 2024

நமக்கு வந்து குப்பை நமது வீட்டை விட்டு போனால் போதும் என்று நினைக்கிறோம்.. ஆனால் அது மறுபடியும் போய் அடைத்துக் கொள்கிறது.. இங்கு மயிலாப்பூரில் ஜெட்ராடிங் மிஷின் வந்துள்ளது.. நான் எம்எல்ஏவாக இருந்த போது வாங்கி கொடுத்தது தான் இந்த ஜெட்ராடிங் மெஷின்.. கழிவுகளுக்குள் மனிதன் இறங்கக்கூடாது என்பதற்காக வாங்கப்பட்ட மிஷின் ஆகும்.. 90லட்சம் ரூபாயில் இரண்டு ஜெட்ராடிங் மெஷின் எம்எல்ஏ நிதியில் வாங்கப்பட்டது ஆகும்.. இன்று வரை எல்லா எம்எல்ஏக்களும் வாங்கி கொடுத்துக் கொண்டிருக்கிறார்கள்.. இந்த சூழலில் நாம் நம்மை தற்காத்துக் கொண்டு வீட்டை விட்டு வெளியே வராமல் இருப்பது நல்லது.

English summary

Actor SV Shekhar released a video addressing the ongoing Chennai rains, where he urged the public to avoid dumping garbage in sewers, emphasizing its role in preventing waterlogging and improving the city’s drainage system.