அலர்ட்! அடுத்த 3 மணி நேரம்.. சென்னை, ராமநாதபுரம் உள்பட 8 மாவட்டம்! இடி மின்னலுடன் வெளுக்க போகும் மழை

Updated: Monday, November 27, 2023, 23:10 [IST]

Subscribe to Oneindia Tamil

சென்னை: தமிழகத்தில் அடுத்த 3 மணி நேரத்தில் அதாவது இரவு 1 மணி வரை சென்னை, செங்கல்பட்டு, திருவள்ளூர், ராமநாதபுரம் உள்பட 8 மவட்டங்களில் இடி, மின்னலுடன் கூடிய மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

தமிழகத்தில் வடகிழக்கு பருவமழை தீவிரமாக பெய்யத் தொடங்கியுள்ளது. கிழக்கு திசை காற்றின் வேகமாறுபாடு காரணமாக, கடலோர தமிழகத்தில் அநேக இடங்களிலும், உள் தமிழக மாவட்டங்களில் ஒருசில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்து வருகிறது. குறிப்பிட்டு சொல்ல வேண்டுமென்றால் தமிழகம் முழுவதுமே பரவலாக மழை பெய்து வருகிறது.

Chance of rain with thunder and lightning in Chennai for the next three hours, meteorological department

இந்த நிலையில், தமிழ்நாட்டில் அடுத்த 3 மணி நேரத்தில் அதாவது இரவு 1 மணி வரை சென்னை உள்பட 8 மாவட்டங்களில் இடி மின்னலுடன் கூடிய மழை பெய்ய வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. இது தொடர்பாக சென்னை வானிலை ஆய்வு மையம் கூறியுள்ளதாவது:-

தமிழகத்தில் அடுத்த 3 மணி நேரத்தில் அதாவது இரவு 1 மணி வரை சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை, வேலூர், திருவண்ணாமலை, ராமநாதபுரம் ஆகிய 8 மாவட்டங்களில் இடி மின்னலுடன் கூடிய மழைக்கு வாய்ப்பு உள்ளது. என்று தெரிவிக்கப்பட்டுள்ளது.

முன்னதாக இன்று மதியம் வானிலை ஆய்வு மையம் வெளியிட்டுள்ள அறிக்கையில், தெற்கு அந்தமான் கடல் மற்றும் அதனை ஒட்டிய பகுதிகளில் ஒரு காற்றழுத்த தாழ்வு பகுதி உருவாகியுள்ளது என்றும், இது மேற்கு வடமேற்கு திசையில் நகர்ந்து தென்கிழக்கு வங்கக்கடல் பகுதிகளில் 29-ஆம் தேதி வாக்கில் காற்றழுத்த தாழ்வு மண்டலமாக வலுபெறக்கூடும் என்றும் இது அதற்கடுத்த 48 மணி நேரத்தில் வடமேற்கு திசையில் நகர்ந்து தென்கிழக்கு வங்கக்கடல் பகுதிகளில் புயலாக வலுப்பெற கூடும் என்று கூறியிருந்தது.

இதேபோல் கிழக்கு திசை காற்றின் வேகமாறுபாடு காரணமாக, இன்று முதல் நாளை மறு நாள் வரை (அதாவது 29ம் தேதி வரை) தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளில் இடி மின்னலுடன் கூடிய லேசானது முதல் மிதமான மழை பெய்ய வாய்ப்பு உள்ளது என்றும் 30 ஆம் தேதி முதல் அடுத்த மாதம் 3 ஆம் தேதி வரை தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளில் லேசானது முதல் மிதமான மழை பெய்யக்கூடும் என்று தெரிவித்து இருந்தது.