மளமளவென கொட்டித்தீர்க்கப்போகும் கனமழை.. 3 மாவட்டங்களில் இன்று சம்பவம்! சென்னைக்கும் வானிலை அலர்ட்

சென்னை: தமிழ்நாட்டில் இன்று 3 மாவட்டங்களில் கனமழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்து உள்ளது.

இதுகுறித்து நேற்று சென்னை வானிலை ஆய்வு மையம் வெளியிட்ட அறிக்கையில், "தமிழக பகுதிகளின் மேல் நிலவும் வளிமண்டல கீழடுக்கு சுழற்சி காரணமாக, இன்று தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும். தென்காசி, திருநெல்வேலி மற்றும் கன்னியாகுமரி மாவட்டங்களில் ஓரிரு இடங்களில் கனமழை பெய்ய வாய்ப்புள்ளது.

13.10.2023 முதல் 17.10.2023 வரை: தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு:

அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான / மிதமான மழை பெய்யக்கூடும். அதிகபட்ச வெப்பநிலை 34-35 டிகிரி செல்சியஸ் மற்றும் குறைந்தபட்ச வெப்பநிலை 26-27 டிகிரி செல்சியஸை ஒட்டியும் இருக்கக்கூடும்.

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான / மிதமான மழை பெய்யக்கூடும். அதிகபட்ச வெப்பநிலை 35-36 டிகிரி செல்சியஸ் மற்றும் குறைந்தபட்ச வெப்பநிலை 27 டிகிரி செல்சியஸை ஒட்டியும் இருக்கக்கூடும்.

கடந்த 24 மணி நேரத்தில் பதிவான மழை அளவு (சென்டிமீட்டரில்): களியல் (கன்னியாகுமரி), பாப்பிரெட்டிப்பட்டி (தர்மபுரி), காட்பாடி (வேலூர்), திற்பரப்பு (கன்னியாகுமரி) தலா 7, RSCL-3 அவலூர்பேட்டை (விழுப்புரம்) 6, பேச்சிப்பாறை (கன்னியாகுமரி), சின்னக்கல்லார் (கோயம்புத்தூர்), மணியாச்சி (தூத்துக்குடி) தலா 5, புத்தன் அணை (கன்னியாகுமரி), வேலூர், பெருஞ்சாணி அணை (கன்னியாகுமரி), போளூர் (திருவண்ணாமலை), மேட்டுப்பாளையம் (கோயம்புத்தூர்), சிற்றாறு (கன்னியாகுமரி), பரமத்திவேலூர் (நாமக்கல்), ஆர்.கே.பேட்டை (திருவள்ளூர்), கள்ளக்குறிச்சி, RSCL-3 செம்மேடு (விழுப்புரம்) தலா 4, கேத்தி (நீலகிரி), மண்டலம் 11 U32 மதுரவாயல் (சென்னை), சின்கோனா (கோயம்புத்தூர்), KCS மில்-2 முரார்பாளையம் (கள்ளக்குறிச்சி), வட்டமலை நீர்த்தேக்கம் (திருப்பூர்), ஓசூர் (கிருஷ்ணகிரி), கொடுமுடி (ஈரோடு), திருப்பூர் PWD, நல்லதங்கால் நீர்த்தேக்கம் (திருப்பூர்), க.பரமத்தி (கரூர்), தாளவாடி (ஈரோடு), பள்ளிப்பட்டு (திருவள்ளூர்) தலா 3, கரம்பக்குடி (புதுக்கோட்டை), சிவலோகம் (கன்னியாகுமரி), விரிஞ்சிபுரம் AWS (வேலூர்), பெனுகொண்டபுரம் (கிருஷ்ணகிரி), ஆலங்குடி (புதுக்கோட்டை), வம்பன் KVK AWS (புதுக்கோட்டை), சங்கராபுரம் (கள்ளக்குறிச்சி), கலசப்பாக்கம் (திருவண்ணாமலை), வால்பாறை PAP (கோயம்புத்தூர்), DSCL தியாகதுர்க்கம் (கள்ளக்குறிச்சி), பர்லியார் (நீலகிரி), மங்களபுரம் (நாமக்கல்), மூலனூர் (திருப்பூர்), வால்பாறை தாலுகா அலுவலகம் (கோயம்புத்தூர்), அவினாசி (திருப்பூர்), பொன்னை அணை (வேலூர்), கிளன்மார்கன் (நீலகிரி), எச்சன்விடுதி (தஞ்சாவூர்), கும்மிடிப்பூண்டி (திருவள்ளூர்), திருப்பூர் வடக்கு, வால்பாறை PTO (கோயம்புத்தூர்) தலா 2, கேஆர்பி அணை (கிருஷ்ணகிரி), பேரையூர் (மதுரை), நாகப்பட்டினம், ஓசூர் AWS (கிருஷ்ணகிரி), தேன்கனிக்கோட்டை (கிருஷ்ணகிரி), நெடுங்கல் (கிருஷ்ணகிரி), அம்முண்டி (வேலூர்), கூடலூர் (தேனி), செஞ்சி (விழுப்புரம்), குடியாத்தம் (வேலூர்), கெத்தை (நீலகிரி), கெலவரப்பள்ளி அணை (கிருஷ்ணகிரி), பெரியநாயக்கன்பாளையம் (கோயம்புத்தூர்), சண்முகாநதி (தேனி), ராசிபுரம் (நாமக்கல்), இளையங்குடி (சிவகங்கை), வெம்பக்கோட்டை (விருதுநகர்), KCS மில்-1 அரியலூர் (கள்ளக்குறிச்சி), குழித்துறை (கன்னியாகுமரி), பாலமோர் (கன்னியாகுமரி), வெள்ளக்கோயில் (திருப்பூர்), நடுவட்டம் (நீலகிரி), விளாத்திகுளம் (தூத்துக்குடி), பார்வூட் (நீலகிரி), திருவண்ணாமலை, RSCL-3 ஆனந்தபுரம் (விழுப்புரம்), காரைக்கால், காரியாப்பட்டி (விருதுநகர்), சுருளக்கோடு (கன்னியாகுமரி), சொளிங்கர் (ராணிப்பேட்டை), பூண்டி (திருவள்ளூர்), வெம்பாக்கம் (திருவண்ணாமலை), மொடக்குறிச்சி (ஈரோடு), தல்லி (கிருஷ்ணகிரி), பையூர் AWS (கிருஷ்ணகிரி), ஸ்ரீவில்லிபுத்தூர் (விருதுநகர்), அரவக்குறிச்சி (கரூர்), தாராபுரம் (திருப்பூர்), சாந்தி விஜயா பள்ளி (நீலகிரி), மணிமுத்தாறு அணை பொதுப்பணித்துறை (கள்ளக்குறிச்சி), அதனக்கோட்டை (புதுக்கோட்டை), ராணிப்பேட்டை, குளச்சல் (கன்னியாகுமரி), அன்னூர் (கோயம்புத்தூர்), முக்கடல் அணை (கன்னியாகுமரி), புதுச்சத்திரம் (நாமக்கல்), செருமுள்ளி (நீலகிரி), எமரால்டு (நீலகிரி), மேல் பவானி (நீலகிரி), சிட்டம்பட்டி (மதுரை) தலா 1.

மீனவர்களுக்கான எச்சரிக்கை: ஏதுமில்லை." என்று குறிப்பிடப்பட்டு உள்ளது.

English summary

The Chennai Meteorological Department has informed that there is a possibility of heavy rain in 3 districts of Tamil Nadu.