ஊட்டி, கொடைக்கானலில் நடந்த திடீர் மாற்றம்.. அதிர்ந்துப்போன ஆய்வாளர்கள்! வெளியான ஷாக் தகவல்

நீலகிரி: உலகம் வெப்பமடைந்து வருகிறது என்று தொடர்ந்து சூழலியல் ஆய்வாளர்கள் எச்சரித்து வருகின்றனர். இந்நிலையில் தற்போது கொடைக்கானல் மற்றும் ஊட்டியில் அதிக அளவில் வெயில் பதிவாகி வருகிறது.

கடந்த சில நாட்களாகவே கொடைக்கானல் மற்றும் ஊட்டியில் வெப்பநிலை இயல்பை விட அதிகமாகவே பதிவாகி இருக்கிறது. ஊட்டியை பொருத்தவரையில் கடந்த 12ம் தேதி மிக அதிகபட்சமாக 22.8 டிகிரி செல்சியஸ் அளவுக்கு வெயில் பதிவாகி இருக்கிறது.

இந்த காலங்களில் இயல்பான வெப்பநிலை சராசரியாக 20.5° செல்சியஸ் முதல் 21.1 டிகிரி செல்சியஸ் வரை இருக்க வேண்டும். ஆனால் அதை விட வெயில் அதிகமாகவே பதிவாகியிருக்கிறது.

கொடைக்கானலை பொறுத்தவரை கடந்த 9ம் தேதி மட்டும் அதிகபட்ச வெப்பநிலை 17.2 டிகிரி செல்சியஸாக பதிவாகி இருந்தது. அன்றைய தினத்தில் 17.6 டிகிரி செல்சியஸ் என்பது இயல்பான வெப்பநிலை ஆகும். அந்த ஒரு நாளைக்கு தவிர, மற்ற நாட்களில் அதிகபட்ச வெப்பநிலை பதிவாகி இருக்கிறது. கடந்த 11ம் தேதி மிக அதிகபட்சமாக 19.9 டிகிரி செல்சியஸ் அளவுக்கு கொடைக்கானலில் வெயில் பதிவாகி இருந்தது.

இந்த காலங்களில் சராசரியாக 17.4 டிகிரி செல்சியஸ் முதல் 17.6 டிகிரி செல்சியஸ் வரை வெயில் பதிவாக வேண்டும். ஆனால், இயல்பை விட கூடுதலாகவே வெயில் பதிவாகி இருப்பது வானிலை ஆய்வாளர்களிடையே அதிர்ச்சியை ஏற்படுத்தியிருக்கிறது.

இன்று கொடைக்கானல் பகுதியில் 18.4 டிகிரி செல்சியஸ் அளவுக்கு வெயில் பதிவாகி இருக்கிறது. ஆனால், இன்றைய இயல்பான வெப்பநிலை என்பது 17.4 டிகிரி தான். அந்த வகையில் இயல்பை விட 1 டிகிரி அளவிற்கு வெயில் கூடுதலாக பதிவாகி இருக்கிறது. ஊட்டியை பொறுத்தவரை, இன்று 19.8 டிகிரி அளவுக்கு வெயில் பதிவாகி இருக்க வேண்டும். ஆனால் 22 டிகிரி அளவுக்கு ரயில் பதிவாகி இருக்கிறது. இது இயல்பை விட 2.2 டிகிரி செல்சியஸ் கூடுதலாகும்.

கடலூர், தர்மபுரி, காரைக்கால், மதுரை நகரம், நாகப்பட்டினம், பாளையங்கோட்டை, பாம்பன், புதுச்சேரி மற்றும் திருச்சிராப்பள்ளி ஆகிய பகுதியில் மட்டும் வெயில் இயல்பை விட குறைவான அளவுக்கு பதிவாகி இருக்கிறது என்பது குறிப்பிடத்தக்கது.

English summary

Coimbatore, Nilgiris (Ooty/Coonoor), and Kodaikanal are experiencing significantly higher-than-usual maximum temperatures, with Ooty even recording its hottest days in over 70 years (up to 29°C).