சென்னையில் ஆட்டத்தை தொடங்கிய மழை.. திருவொற்றியூர் டூ தாம்பரம் வரை மொத்தமாக நனைந்தது

சென்னை: தமிழ்நாட்டில் வடகிழக்கு பருவமழை தொடங்கியுள்ள நிலையில், வட மாவட்டங்களில் தீவிரமாக மழை பெய்து வருகிறது. குறிப்பாக சென்னை மற்றும் அதை ஒட்டியுள்ள மாவட்டங்களில் மழை தீவிரமெடுத்துள்ளது. சென்னையில் நேற்றிரவு தொடங்கி இன்று அதிகாலை வரை பரவலாக மழை பெய்திருக்கிறது. ஆனால் எங்கும் மழை நீர் தேங்கவில்லை.

தமிழ்நாட்டிற்கு இரண்டு பருவங்கள் மழைப்பொழிவை கொடுக்கும். ஜூலை மாதத்தில் தொடங்கி செப்டம்பர் இறுதி வரை பெய்யும் தென்மேற்கு பருவமழை, தமிழ்நாட்டின் ஏறத்தாழ அனைத்து மாவட்டங்களும் போதுமான மழையை கொடுத்துவிடும். குறிப்பாக கொங்கு மற்றும் தென் மாவட்டங்களுக்கு இயல்பை விட அதிகமான மழையை இது கொடுத்திருந்தது. ஆனால் சென்னை தொடங்கி, வங்கக்கடல் ஓரம் உள்ள டெல்டா மாவட்டங்களுக்கு இது போதுமான மழைப்பொழிவை கொடுக்கவில்லை.

இப்படி இருக்கையில்தான் அக்டோபர் மாதம் 1ம் தேதி முதல் வடகிழக்கு பருவமழை தொடங்கியது. தொடக்கம் முதல் சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை, வேலூர், திருப்பத்தூர் என வட மற்றும் வடமேற்கு மாவட்டங்களில் கனமழையை கொட்டி தீர்த்தது. இது இயல்பை விட 12% கூடுதலாக பெய்திருக்கிறது. இந்நிலையில் நேற்று இரவு தொடங்கி இன்று அதிகாலை வரை சென்னையில் பரவலாக மழை பெய்திருக்கிறது.

சென்னையின் திருவொற்றியூர் தொடங்கி தண்டையார் பேட்டை, கொருக்குப்பேட்டை, சென்ட்ரல், எழும்பூர், புரசைவாக்கம், அமைந்தகரை, அண்ணாநகர், வில்லிவாக்கம், அயனாவரம், மாதாவரம், கோயம்பேடு என பரலாக மழை பெய்திருக்கிறது.

முன்னதாக நேற்று வெளியாகியிருந்த வானிலை அறிவிப்பில், "இன்று தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும். சென்னை, காஞ்சிபுரம், செங்கல்பட்டு, விழுப்புரம், கடலூர், தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, ராமநாதபுரம் மாவட்டங்களிலும் மற்றும் புதுச்சேரி, காரைக்கால் பகுதிகளிலும் ஒரிரு இடங்களில் கனமழை பெய்யவாய்ப்புள்ளது.

நவ.8ம் தேதி தென்தமிழகத்தில் அநேக இடங்களிலும், வடதமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும். தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, சிவகங்கை, ராமநாதபுரம், தேனி, திண்டுக்கல், மதுரை, விருதுநகர், தென்காசி, திருநெல்வேலி, தூத்துக்குடி, கன்னியாகுமரி மாவட்டங்களிலும் மற்றும் காரைக்கால் பகுதிகளிலும் ஓரிரு இடங்களில் கனமழை பெய்யவாய்ப்புள்ளது.

நவ.9ம் தேதி தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும். செங்கல்பட்டு, விழுப்புரம், கடலூர், தஞ்சாவூர், திருவாரூர், நாகப்பட்டினம், மயிலாடுதுறை. புதுக்கோட்டை, சிவகங்கை, ராமநாதபுரம், விருதுநகர், தென்காசி, தூத்துக்குடி, திருநெல்வேலி, கன்னியாகுமரி மாவட்டங்களிலும் மற்றும் புதுச்சேரி, காரைக்கால் பகுதிகளிலும் ஓரிரு இடங்களில் கனமழை பெய்யவாய்ப்புள்ளது.

நவ. 10ம் தேதி கடலோர தமிழகத்தில் ஒருசில இடங்களிலும், உள்தமிழகத்தில் ஒரிரு இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும். செங்கல்பட்டு, விழுப்புரம், கடலூர், தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை, சிவகங்கை, ராமநாதபுரம், விருதுநகர், தென்காசி, தூத்துக்குடி, புதுச்சேரி, காரைக்கால், திருநெல்வேலி, கன்னியாகுமரி மாவட்டங்களிலும் பகுதிகளிலும் ஓரிரு இடங்களில் கனமழை பெய்யவாய்ப்புள்ளது.

நவ.11ம் தேதி தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், லேசானது முதல் மிதமான மழை பெய்யக்கூடும். 12.11.2024: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், லேசானது முதல் மிதமான மழை பெய்யக்கூடும். கடலூர், மயிலாடுதுறை, நாகப்பட்டினம், தஞ்சாவூர், திருவாரூர், புதுக்கோட்டை மற்றும் ராமநாதபுரம் மாவட்டங்களிலும், காரைக்கால் பகுதிகளிலும் ஓரிரு இடங்களில் கனமழை பெய்யவாய்ப்புள்ளது.

சென்னை மற்றும் புறநகர் பகுதிகளுக்கான வானிலை முன்னறிவிப்பு: அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய மிதமான மழை பெய்ய வாய்ப்புள்ளது. அதிகபட்ச வெப்பநிலை 32° செல்சியஸை ஒட்டியும், குறைந்தபட்ச வெப்பநிலை 25-26" செல்சியஸை ஒட்டியும் இருக்கக்கூடும். அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய மிதமான- கன மழை பெய்ய வாய்ப்புள்ளது. அதிகபட்ச வெப்பநிலை 31-32° செல்சியஸை ஒட்டியும், குறைந்தபட்ச வெப்பநிலை 24 25° செல்சியஸை ஒட்டியும் இருக்கக்கூடும்" என தெரிவிக்கப்பட்டிருந்தது என்பது குறிப்பிடத்தக்கது.

English summary

As the northeast monsoon has begun in Tamil Nadu, it is raining heavily in the northern districts. The rain has intensified especially in Chennai and its adjoining districts. Chennai has been receiving widespread rain since last night till this morning. But there is no waterlogging anywhere.