சென்னையில் கொட்டித் தீர்த்த அதிகனமழை.. மணலி புதுநகர் டாப்.. எந்தெந்த ஏரியாவில் எவ்வளவு மழைப்பொழிவு?

Updated: Thursday, December 4, 2025, 13:25 [IST]

Subscribe to Oneindia Tamil

சென்னை: சென்னையில் கடந்த 24 மணி நேரத்தில் அதிகபட்சமாக மணலி புதுநகரில் 238 மி.மீ மழை பதிவாகி உள்ளது என சென்னை வானிலை மையம் தெரிவித்துள்ளது. டிட்வா புயல் காரணமாக கடந்த 3 நாட்களாக சென்னையில் பல்வேறு இடங்களில் கனமழை பெய்தது. இன்றும் பல்வேறு இடங்களில் மழை பெய்து வருகிறது.

வங்கக் கடலில், சென்னை அருகே நிலை கொண்டிருந்த ஆழ்ந்த காற்றழுத்த தாழ்வு மண்டலம், 'யு டர்ன்' அடித்து, புதுச்சேரி நோக்கி நகர்ந்துள்ளது. இதன் காரணமாக, வட மாவட்டங்களில் இன்றும், நாளையும் மிதமான மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

தமிழ்நாடு, புதுச்சேரியில் இன்றும், நாளையும் இடி மின்னலுடன் மிதமான மழை பெய்ய வாய்ப்புள்ளது. வரும் டிசம்பர் 9 ஆம் தேதி வரை தமிழகத்தில் மிதமான மழை தொடரும். கிருஷ்ணகிரி, தருமபுரி, துாத்துக்குடி, ராமநாதபுரம், திருநெல்வேலி, கன்னியாகுமரி மாவட்டங்களில், இன்று கனமழை பெய்ய வாய்ப்புள்ளது எனத் தெரிவிக்கப்பட்டுள்ளது.

கடந்த 24 மணி நேரத்தில் சென்னையில் எண்ணூர், கத்திவாக்கம், விம்கோ நகர், மணலி புதுநகர் பகுதிகளில் அதிகன மழை பெய்து உள்ளது. கார்கில் நகர், திருவொற்றியூர், மணலி, மணலி புது நகர் பகுதிகளில் கனமழை பெய்து உள்ளது.

கடந்த 24 மணி நேரத்தில் இன்று காலை 8.30 மணி வரை பெய்த மழைப்பொழிவு மில்லி மீட்டரில் பின்வருமாறு:

மணலி புதுநகர்- 238.2

எண்ணூர்- 212.5

விம்கோ நகர்- 201.6

கத்திவாக்கம்-158.7

மணலி- 123.4

திருவொற்றியூர்- 105.6

திண்டிவனம் 115

ஊத்துக்கோட்டை 113

பொன்னேரி 99

சோழவரம் 95

தண்டையார்பேட்டை- 70.2