இஸ்ரோவில் வேலைவாய்ப்பு.. 141 பணியிடங்கள்.. 10, ஐடிஐ, டிப்ளமோ முடித்தவர்களுக்கு ஜாக்பாட்

சென்னை: இஸ்ரோவில் வேலைவாய்ப்பு அறிவிக்கப்பட்டுள்ளது. தற்போது டெக்னீஷியன் உள்ளிட்ட 141 பணியிடங்களை நிரப்ப அறிவிப்பு வெளியாகி இருக்கிறது. எம்.இ முதல் ஐடிஐ, டிப்ளமோ என பத்தாம் வகுப்பு முடித்தவர்களும் இந்த பணியிடங்களுக்கு விண்ணப்பிக்க முடியும். சம்பளத்தை பொறுத்தவரை ரூ.20 ஆயிரம் முதல் ரூ.1,77,500 வரை வழங்கப்படும். இதற்கு எப்படி விண்ணப்பிப்பது என்பது உள்ளிட்ட விவரங்களை இங்கு பார்க்கலாம்.

இந்திய விண்வெளி ஆய்வு நிறுவனமான இஸ்ரோவின் தலைமையகம் பெங்களூரில் உள்ளது. விண்வெளித் துறையில் அமெரிக்கா, சீனா, ரஷ்யாவுக்கு சவால் விடுக்கும் வகையில் இஸ்ரோ உலக அரங்கில் பெருமைகளை சேர்த்து வருகிறது. இந்திய விண்வெளித் துறையின் கீழ் செயல்படும் இஸ்ரோவில் வேலை பார்க்க வேண்டும் என்பது பல லட்சக்கணக்கான தேர்வர்களின் விருப்பமாக உள்ளது.

இஸ்ரோவில் வேலை

இஸ்ரோவை பொறுத்தவரை காலிப்பணியிடங்களை அவ்வப்போது உரிய அறிவிப்புகள் வெளியிட்டு நிரப்பி வருகிறது. அந்த வகையில் தற்போது டெக்னீஷியன் உள்ளிட்ட 141 பணியிடங்களை நிரப்ப அறிவிப்பு வெளியாகியுள்ளது. இதற்கு யாரெல்லாம் விண்ணப்பிக்கலாம். கல்வித் தகுதி என்ன? வயது வரம்பு பற்றிய விவரங்களை பார்க்கலாம்.

பணியிடங்கள் விவரம்:

* டெக்னீஷியன் உள்ளிட்ட பணியிடங்கள்: 126
* சமையலர்: 03
* ஃபயர் மேன்: 06
* டிரைவர்: 03
* நர்ஸ்: 01
* வரைவாளர்: 01
* டெக்னீஷியன் B (கணினி அறிவியல்): 01

கல்வி தகுதி:

* எம்.இ., எம்.டெக்., பி.இ., பி.டெக்., பி.எஸ்சி., ஐடிஐ, டிப்ளமோ, பத்தாம் வகுப்பு ஆகிய கல்வி தகுதிகளை கொண்டவர்கள் விண்ணப்பிக்கலாம். டிரைவர் பணியிடத்திற்கு இலகு ரக வாகனம் ஓட்டுவதற்கான உரிமம் வைத்து இருப்பது அவசியம்.

* தேர்வு செய்யப்படுவர்கள் செகந்திராபாத் (தெலுங்கானா), மகேந்திரகிரி (தமிழ்நாடு), ரசாயனி (மகாராஷ்டிரா), வலியமலா (கேரளா), திருவனந்தபுரம் (கேரளா), ஸ்ரீஹரிகோட்டா (ஆந்திரப் பிரதேசம்), டேராடூன் (உத்தரகாண்ட்) உள்ளிட்ட இடங்களில் பணி அமர்த்தப்படுவார்கள்.

வயது வரம்பு:

* 18 வயது முதல் 35 வயதுக்குள் உள்ளவர்கள் விண்ணப்பிக்கலாம். சயிண்டிஸ்ட்/என்ஜினியர் (மெஷின் டிசைன்) உள்ளிட்ட சில பணியிடங்களுக்கு அதிகபட்ச வயது வரம்பு 30 ஆகும். தேர்வர்கள் கல்வித் தகுதி, வயது வரம்பு உள்ளிட்ட விவரங்களை அதிகாரப்பூர்வ அறிவிப்பில் படித்து உறுதி செய்து கொள்ளவும்.

சம்பளம் எவ்வளவு?

* சயிண்டிஸ்ட் / என்ஜினியர்: ரூ.56,100 - ரூ.1,77,500/-
* டெக்னிக்கல் அசிஸ்டண்ட்: ரூ.44,900 - ரூ.1,42,400/-
* ரேடியோகிராபர்: ரூ.25,500 - ரூ.81,100/-
* டெக்னீஷியன் 'B' - லெவல் 3: ரூ.21,700 - ரூ.69,100/-
* சமையலர்: ரூ.19,900 - ரூ.63,200/-
* ஃபயர்மேன்: ரூ.19,900 - ரூ.63,200/-
* டிரைவர்: ரூ.19,900 - ரூ.63,200/-
* நர்ஸ் 'B' - லெவல் 7: ரூ.44,900 - ரூ.1,42,400/-

தேர்வு முறை:

எழுத்துத் தேர்வு, திறன் தேர்வு, நேர்முகத் தேர்வு அடிப்படையில் தேர்வு செய்யப்படுவார்கள். சென்னை, நெல்லை ஆகிய நகரங்களில் தேர்வு மையம் அமைக்கப்படும். விண்ணப்பிக்க வரும் 14.11.2025 கடைசி நாளாகும்.

தேர்வு அறிவிப்பினை படிக்க:
https://apps.shar.gov.in/sdscshar/advt_2025/Bilingual%20Advertisement%20for%20all%20posts%2016.10.2025.pdf

English summary

ISRO has announced job openings for 141 positions, including technicians. Candidates with qualifications from ME to ITI, diploma, and 10th pass can apply. Salaries range from ₹20,000 to ₹1,77,500. Here are the details on how to apply and other important information.