ஒரு நொடி உறைந்த சென்னைவாசிகள்.. சுத்தி சுழற்றியடித்த கனமழை! நினைவுக்கு வந்த மிக்ஜாம் புயல், வெள்ளம்

சென்னை: மிக்ஜாம் புயல் வெள்ளத்தால் பாதிக்கப்பட்ட சென்னை மற்றும் சுற்றுவட்டார மாவட்டங்களில் நேற்று மீண்டும் கனமழை கொட்டித்தீர்த்தது.

தென் மேற்கு வங்கக்கடல் பகுதிகளிலும் தென்கிழக்கு அரபிக்கடல் பகுதிகளில் ஒரு வளிமண்டல கீழடுக்கு சுழற்சி நிலவி வருகிறது. இதன் காரணமாக காஞ்சிபுரம், செங்கல்பட்டு மற்றும் விழுப்புரம் மாவட்டங்களில் ஓரிரு இடங்களில் நேற்று மிக கனமழை பெய்யலாம் என சென்னை வானிலை ஆய்வு மையம் எச்சரிக்கை விடுத்து இருந்தது.

அதேபோல் சென்னை, திருவள்ளூர், ராணிப்பேட்டை, கடலூர், மயிலாடுதுறை, தஞ்சாவூர், திருவாரூர், நாகப்பட்டினம், வேலூர், திருவண்ணாமலை, கள்ளக்குறிச்சி, தூத்துக்குடி, திருநெல்வேலி, கன்னியாகுமரி மாவட்டங்கள் மற்றும் புதுச்சேரி, காரைக்கால் பகுதிகளில் ஓரிரு இடங்களில் கனமழை பெய்யக்கூடும் என வானிலை ஆய்வு மையம் எச்சரித்து இருந்தது.

இந்த நிலையில் நேற்று தமிழ்நாட்டின் பல இடங்களில் கனமழை விட்டுவிட்டும், சில இடங்களில் தொடர் மழையும் பெய்தது. இந்த நிலையில் தமிழ்நாட்டிலேயே அதிகபட்சமாக நாகப்பட்டினம் மாவட்டத்தில் பெரு மழை பதிவாகி உள்ளது. சென்னையிலும் அதிகளவில் மழை பெய்து உள்ளது. நேற்று காலை 8.30 மணி முதல் இன்று அதிகாலை 5.30 மணி வரை சென்னை எண்ணூர் துறைமுகத்தில் 92 மிமீ மழை கொட்டித் தீர்த்ததாக தானியங்கி வானிலை நிலையம் பதிவு செய்து உள்ளது.

"வானிலை கண்காணிப்பகங்கள்: மீனம்பாக்கம் (சென்னை) - 43.7 மிமீ, நுங்கம்பாக்கம் (சென்னை) - 40.3 மிமீ

தானியங்கி வானிலை நிலையங்கள்: எண்ணூர் துறைமுகம் (சென்னை) - 92.0 மிமீ, விஐடி சென்னை (செங்கல்பட்டு) - 53.5 மிமீ, மீனம்பாக்கம் இஸ்ரோ (சென்னை) - 45.0 மிமீ, நுங்கம்பாக்கம் (சென்னை) - 34.5 மிமீ
அதிராம்பட்டினம் (தஞ்சாவூர்) - 6.5 மிமீ, திருச்செந்தூர் (தூத்துக்குடி) - 0.5 மிமீ

தானியங்கி மழை அளவீடு நிலையங்கள்: சத்யபாமா பல்கலைக்கழகம் (காஞ்சிபுரம்) - 70.5 மிமீ, தரமணி (சென்னை) - 47.0 மிமீ, எல்மோயிஸ் கோலப்பாக்கம் (காஞ்சிபுரம்) - 46.5 மிமீ, ஒய்எம்சிஏ நந்தனம் (சென்னை) - 42.0 மிமீ, நியாட் பள்ளிக்கரணை (சென்னை) - 41.3 மிமீ, அண்ணா பல்கலைக்கழகம் (சென்னை) - 37.5 மிமீ, புழல் (திருவள்ளூர்) 28.0 மிமீ, ஏசிஎஸ் மருத்துவக் கல்லூரி (காஞ்சிபுரம்) - 25.5 மிமீ, குட் வில் பள்ளி வில்லிவாக்கம் (திருவள்ளூர்) - 19.5 மிமீ (இரவு 11.30 வரை), சத்தான்குளம் (தூத்துக்குடி) - 4.0 மிமீ, இந்துஸ்தான் பல்கலைக்கழகம் (காஞ்சிபுரம்) - 0.5 மிமீ" என்று குறிப்பிட்டு உள்ளது.

English summary

In the last 24 hours Chennai Ennore has received the heavy rainfall of 92 mm in Tamil Nadu. Lets see the rainflow reading by Chennai meterological dept.