கடுங்குளிரில் சிக்கிய சென்னை.. சட்டென சரிந்த வெப்பம்.. அப்போ பொங்கலன்று கிளைமேட் எப்படி இருக்கும்?

சென்னை: தமிழ்நாட்டில் கடந்த சில காலமாகவே மழை சீராகக் குறைந்து, குளிர் தொடர்ச்சியாக அதிகரித்து வருகிறது. இன்றைய தினம் பொங்கலுக்காக மக்கள் ஊருக்குக் கிளம்ப ஆரம்பித்துள்ள நிலையில், கிளைமேட் எப்படி இருக்கும் என்பது நாம் பார்க்கலாம். சென்னை உட்பட மாநிலம் முழுக்கவே வெப்பம் குறைந்தே காணப்படும் என வானிலை மையம் கூறியுள்ளது.

தமிழ்நாட்டில் நேற்றைய தினம் ஓரிரு பகுதிகளில் நல்ல மழை பெய்திருக்கிறது. குறிப்பாக டெல்டா உள்ளிட்ட பகுதிகளில் நல்ல மழையே பெய்திருக்கிறது. மேலும், சென்னை உட்பட மாநிலத்தில் பல்வேறு பகுதிகளிலும் குளிர் அதிகரித்துள்ளது. பொங்கல் வரையிலும் கூட குளிர்ச்சியான வானிலையே நிலவும் என்று எதிர்பார்க்கப்படுகிறது.

தமிழ்நாடு கிளைமேட்

இதற்கிடையே தமிழ்நாடு கிளைமேட் தொடர்பாக வானிலை மையம் வெளியிட்டுள்ள செய்திக்குறிப்பில், "குமரிக்கடல் மற்றும் அதனை ஒட்டிய பகுதிகளின் மேல் ஒரு வளிமண்டலக் கீழடுக்கு சுழற்சி நிலவுகிறது. இதனால் இன்று தென்தமிழகத்தில் ஒருசில இடங்களிலும், வடதமிழகத்தில் ஓரிரு இடங்களிலும் புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும்.

நாளைய தினம் தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். வரும் ஜனவரி 15 முதல் முதல் 18 வரை தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவக்கூடும்.

குறைந்தபட்ச வெப்பநிலை பற்றிய முன்னறிவிப்பு:

இன்று முதல் 13-01-2026 முதல் 16-01-2026 வரை தமிழகம், புதுவை மற்றும் காரைக்கால் பகுதிகளில் குறைந்தபட்ச வெப்பநிலை ஓரிரு இடங்களில் 2-3° செல்சியஸ் வரை படிப்படியாகக் குறையக்கூடும். இயல்பு நிலையிலிருந்து குறைந்தபட்ச வெப்ப அளவின் வேறுபாட்டைப் பொறுத்தவரை இன்று முதல் ஜனவரி 16 வரை தமிழகம், புதுவை மற்றும் காரைக்கால் பகுதிகளில் குறைந்தபட்ச வெப்பநிலை இயல்பாகவும், இயல்பை விட குறைவாகவும் இருக்கக்கூடும்.

சென்னை

சென்னை மற்றும் புறநகர் பகுதிகளைப் பொறுத்தவரை இன்று (13-01-2026) வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 26-27° செல்சியஸை ஒட்டியும், குறைந்தபட்ச வெப்பநிலை 21° செல்சியஸை ஒட்டியும் இருக்கக்கூடும்.

மீனவர்களுக்கான எச்சரிக்கை

தமிழகக் கடலோரப்பகுதிகளில் இன்றும் நாளையும் தென் தமிழகக் கடலோரப்பகுதிகள், மன்னார் வளைகுடா மற்றும் குமரிக்கடல் பகுதிகளில் சூறாவளிக்காற்று மணிக்கு 35 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும் மேற்குறிப்பிட்ட நாட்களில் மீனவர்கள் இப்பகுதிகளுக்குச் செல்ல வேண்டாமென்று அறிவுறுத்தப்படுகிறார்கள்

English summary

Tamil Nadu experiences steady drop temperature says Meteorological dept (தமிழகத்தில் குறைந்து வரும் வெப்பம் வானிலை மையம் தகவல்): Tamil nadu weather latest news in tamil.