பிச்சு உதறப்போகும் கனமழை.. இன்று முதல் தமிழ்நாட்டில் ஆட்டம் ஸ்டார்ட்! 5 நாட்கள் சம்பவம் இருக்கு

சென்னை: இன்று 3 மாவட்டங்களில் கனமழைக்கு வாய்ப்பு இருப்பதாகவும், 8 ஆம் தேதி வரை தமிழ்நாட்டின் பல்வேறு மாவட்டங்களில் கனமழை பெய்வதற்கான வாய்ப்பு உள்ளது எனவும் சென்னை வானிலை ஆய்வு மையம் தெரிவித்து உள்ளது.

கிழக்கு திசை காற்றின் வேகமாறுபாடு காரணமாக, ஜனவரி 4 ஆம் தேதி மற்றும் ஜனவரி 5 ஆம் தேதி தமிழ்நாட்டில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும். தேனி, திண்டுக்கல் மற்றும் நீலகிரி மாவட்டங்களில் ஓரிரு இடங்களில் கனமழை பெய்ய வாய்ப்பு உள்ளது. தமிழகத்தில் ஓரிரு இடங்களில் அதிகாலை வேளையில் லேசான பனிமூட்டத்திற்கு வாய்ப்புள்ளது.

ஜனவரி 6 ஆம் தேதி கடலோர தமிழ்நாட்டில் அநேக இடங்களிலும், உள் தமிழகத்தில் ஓரிரு இடங்களிலும், புதுச்சேரி மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். கன்னியாகுமரி, திருநெல்வேலி, தென்காசி, விருதுநகர், புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை மாவட்டங்கள் மற்றும் காரைக்கால் பகுதிகளில் ஓரிரு இடங்களில் கனமழை பெய்ய வாய்ப்பு உள்ளது.

ஜனவரி 7 ஆம் தேதி கடலோர தமிழ்நாட்டில் அநேக இடங்களிலும், உள் தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். கடலூர், விழுப்புரம், செங்கல்பட்டு, காஞ்சிபுரம், திருவள்ளூர், சென்னை, இராணிப்பேட்டை மாவட்டங்கள் மற்றும் புதுச்சேரியில் ஓரிரு இடங்களில் கனமழை பெய்யவாய்ப்புள்ளது.

ஜனவரி 8 ஆம் தேதி கடலோர தமிழ்நாட்டில் அநேக இடங்களிலும், உள் தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். திருவள்ளூர் மாவட்டத்தில் ஓரிரு இடங்களில் கனமழை பெய்யவாய்ப்புள்ளது. ஜனவரி 9 ஆம் தேதி மற்றும் ஜனவரி 10 ஆம் தேதி தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு: அடுத்த 48 மணி நேரத்திற்கு வானம் ஓரளவு மேக மூட்டத்துடன் காணப்படும். நகரின் ஒருசில பகுதிகளில் லேசான மழை பெய்யக்கூடும். அதிகாலை வேளையில் லேசான பனிமூட்டத்திற்கு வாய்ப்புள்ளது. அதிகபட்ச வெப்பநிலை 30 - 31 டிகிரி செல்சியஸ் மற்றும் குறைந்தபட்ச வெப்பநிலை 22 - 23 டிகிரி செல்சியஸாகவும் இருக்கக்கூடும்.

கடந்த 24 மணி நேரத்தில் பதிவான மழை அளவு (சென்டிமீட்டரில்):

தேக்கடி (தேனி) 7, பெரியாறு (தேனி) 5, தாலுகா அலுவலகம் பந்தலூர் (நீலகிரி), பிளவக்கல் பெரியாறு அணை (விருதுநகர்) தலா 4, சேர்வலாறு அணை (திருநெல்வேலி), பாபநாசம் (திருநெல்வேலி) தலா 3, தேவாலா (நீலகிரி), ஸ்ரீவில்லிபுத்தூர் (விருதுநகர்), ராஜபாளையம் (விருதுநகர்), கீழ்கோத்தகிரி எஸ்டேட் (நீலகிரி), சோத்துப்பாறை (தேனி), மாஞ்சோலை (திருநெல்வேலி) தலா 2, சண்முகாநதி (தேனி), பார்வூட் (நீலகிரி), வூட் பிரையர் எஸ்டேட் (நீலகிரி), உத்தமபாளையம் (தேனி), பெரியகுளம் (தேனி), நடுவட்டம் (நீலகிரி), வத்திராயிருப்பு (விருதுநகர்), பெரியபட்டி (மதுரை), எழுமலை (மதுரை), வீரபாண்டி (தேனி), கொடைக்கானல் (திண்டுக்கல்), பேரையூர் (மதுரை), மஞ்சளாறு (தேனி), அழகரை எஸ்டேட் (நீலகிரி), கோத்தகிரி (நீலகிரி), கூடலூர் பஜார் (நீலகிரி), ராமநதி அணைப் பகுதி (தென்காசி), கொடைக்கானல் படகு குழாம் (திண்டுக்கல்), காக்காச்சி (திருநெல்வேலி), கூடலூர் (தேனி) தலா 1." என்று குறிப்பிடப்பட்டு உள்ளது.

English summary

The Chennai Meteorological Department has informed that there is a possibility of heavy rain in 3 districts today and there is a possibility of heavy rain in various districts of Tamil Nadu till the 8th January