புயல் போனா என்ன? மழை இன்னும் இருக்கே.. அடுத்த ஒரு வாரத்திற்கான வானிலை அப்டேட்

சென்னை: ஃபெஞ்சல் புயல் கரையை கடந்திருந்தாலும், வட தமிழக மாவட்டங்களில் மழைப்பொழிவு இயல்பை விட அதிகமாகவே இருந்தது. இந்நிலையில் அடுத்த ஒரு வாரத்திற்கு மழை நீடிக்கும் என வானிலை ஆய்வு மையம் எச்சரித்துள்ளது.

அதாவது, "தமிழகத்தில் ஒருசில இடங்களில் மழை பெய்துள்ளது. புதுவையில் லேசான மழை பதிவாகி உள்ளது. காரைக்கால் பகுதிகளில் வறண்ட வானிலை நிலவியது. கடந்த 24 மணி நேரத்தில் கலசப்பாக்கம் (திருவண்ணாமலை) 12 செ.மீ., வாணியம்பாடி (திருப்பத்தூர்) 6 செ.மீ., ஆர்.எஸ்.மங்கலம் (ராமநாதபுரம்), ஜமுனாமரத்தூர் (திருவண்ணாமலை), ஆலங்காயம் (திருப்பத்தூர்) தலா 5 செ.மீ., கும்மிடிப்பூண்டி (திருவள்ளூர்), மண்டலம் 12 ஆலந்தூர் (சென்னை) தலா 4, மண்டலம் 12 மீனம்பாக்கம் (சென்னை), சென்னை விமானநிலையம் (சென்னை), ஆலந்தூர் (சென்னை), விழுப்புரம் (விழுப்புரம்), மீனம்பாக்கம். AWS (சென்னை), போளூர் (திருவண்ணாமலை), ஆற்காடு (ராணிப்பேட்டை), கொளப்பாக்கம் ARG (செங்கல்பட்டு), சேத்துப்பட்டு (திருவண்ணாமலை), ஊத்துக்கோட்டை (திருவள்ளூர்) தலா 3 செ.மீ. என மழை பதிவாகியுள்ளது.

அதேபோல வெயிலை பொறுத்தவரை அதிகபட்சமாக தொண்டியில் 33.6° செல்சியஸ், குறைந்தபட்சமாக ஈரோடு மாவட்டத்தில் 17.5° செல்சியஸ் என வெயில் பதிவாகியுள்ளது.

அடுத்த ஏழு தினங்களுக்கான வானிலை முன்னறிவிப்பை பொறுத்தவரை, தென்கிழக்கு அரபிக்கடல் மற்றும் அதனை ஒட்டிய பகுதிகளின் மேல் ஒரு வளிமண்டல கீழடுக்கு சுழற்சி நிலவுகிறது. எனவே இன்றும் நாளையும் தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய, லேசானது முதல் மிதமான மழை பெய்யக்கூடும்.

07-12-2024 முதல் 10-12-2024 வரை: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், லேசானது முதல் மிதமான மழை பெய்யக்கூடும்.

11-12-2024: கடலோர தமிழகத்தில் ஒருசில இடங்களிலும், உள் தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், லேசானது முதல் மிதமான மழை பெய்யக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு: அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய, லேசானது / மிதமான மழை பெய்யக்கூடும். அதிகபட்ச வெப்பநிலை 32-33° செல்சியஸை ஒட்டியும், குறைந்தபட்ச வெப்பநிலை 25-26° செல்சியஸை ஒட்டியும் இருக்கக்கூடும்.

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய, லேசானது / மிதமான மழை பெய்யக்கூடும். அதிகபட்ச வெப்பநிலை 32-33° செல்சியஸை ஒட்டியும், குறைந்தபட்ச வெப்பநிலை 25-26° செல்சியஸை ஒட்டியும் இருக்கக்கூடும்.

மீனவர்களுக்கான எச்சரிக்கை: தமிழக கடலோரப்பகுதிகள் 05-12-2024 முதல் 09-12-2024 வரை: எச்சரிக்கை ஏதுமில்லை.

வங்கக்கடல் பகுதிகள்: 05-12-2024 மற்றும் 06-12-2024: எச்சரிக்கை ஏதுமில்லை.

07-12-2024: தென்கிழக்கு வங்கக்கடலின் தெற்கு பகுதிகளில் சூறாவளிக்காற்று மணிக்கு 35 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும்.

08-12-2024: தென்கிழக்கு வங்கக்கடலின் தெற்கு பகுதிகள் மற்றும் அதனை ஒட்டிய தென்மேற்கு வங்கக்கடல் பகுதிகளில் சூறாவளிக்காற்று மணிக்கு 35 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும்.

09-12-2024: எச்சரிக்கை ஏதுமில்லை.

அரபிக்கடல் பகுதிகள்: 05-12-2024: தென்கிழக்கு அரபிக்கடலின் வடக்கு பகுதிகள், அதனை ஒட்டிய மத்தியகிழக்கு மற்றும் தென்மேற்கு அரபிக்கடல் பகுதிகளில் சூறாவளிக்காற்று மணிக்கு 35 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும்.

06-12-2024 முதல் 09-12-2024 வரை: எச்சரிக்கை ஏதுமில்லை. மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்தப்படுகிறார்கள்" என தெரிவிக்கப்பட்டிருக்கிறது.

English summary

Even though Cyclone Fennel has passed the coast, rainfall in northern Tamil Nadu districts remained above normal. The Meteorological Department has warned that the rains will continue for the next week.