சற்று முன் கிடைத்த தகவல்.. அடுத்த 6 நாட்கள் மழைக்கு வாய்ப்பு! சென்னையில் இன்றும் மழை பெய்யலாம்

சென்னை : தமிழ்நாட்டில் இன்று முதல் அடுத்த 6 நாட்கள் மழைக்கு வாய்ப்பு உள்ளதாகவும், சென்னையில் இன்று மழை பெய்வதற்கு வாய்ப்பு இருப்பதாகவும் வானிலை ஆய்வு மையம் தெரிவித்து உள்ளது.

கிழக்கு திசை காற்றின் வேக மாறுபாடு காரணமாக, இன்றும் நாளையும் தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக் கூடும். 15 12 2023 : தமிழகத்தில் ஒரு சில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும்.

16 12 2023 மற்றும் 17 12 2023 : தமிழகத்தில் ஒரு சில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும். கன்னியாகுமரி, திருநெல்வேலி, தூத்துக்குடி, இராமநாதபுரம், புதுக்கோட்டை, தஞ்சாவூர், திருவாரூர், நாகப்பட்டினம், மயிலாடுதுறை மாவட்டங்கள் மற்றும் காரைக்கால் பகுதிகளில் ஓரிரு இடங்களில் கனமழை பெய்ய வாய்ப்பு உள்ளது.

18 12 2023 : தமிழகத்தில் ஒரு சில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். 19 12 2023 : தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக் கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு: அடுத்த 48 மணி நேரத்திற்கு வானம் ஓரளவு மேக மூட்டத்துடன் காணப்படும். நகரின் ஒரு சில பகுதிகளில் லேசான மழை பெய்யக் கூடும். அதிகபட்ச வெப்ப நிலை 30 டிகிரி செல்சியஸ் மற்றும் குறைந்தபட்ச வெப்ப நிலை 23 டிகிரி செல்சியஸாகவும் இருக்கக் கூடும்.

கடந்த 24 மணி நேரத்தில் பதிவான மழை அளவு (சென்டி மீட்டரில்): வால்பாறை P.T.O (கோயம்புத்தூர் மாவட்டம்) 3, சின்கோனா (கோயம்புத்தூர் மாவட்டம்) 2, ஸ்ரீவைகுண்டம் (தூத்துக்குடி மாவட்டம்), பார்வூட் (நீலகிரி மாவட்டம்), நாலு மூக்கு (திருநெல்வேலி மாவட்டம்) தலா 1." என்று குறிப்பிடப்பட்டு உள்ளது.

English summary

Meteorological Department has said that Tamil Nadu is likely to receive rain for the next 6 days from today and Chennai is likely to receive rain today.