2023 ரொம்ப முக்கியம்! தமிழ்நாடு வெதர்மேன் சென்னைக்கு சொன்ன முக்கிய அப்டேட்.. நோட் பண்ணுங்க!

சென்னை: 1976, 1985, 1996, 2005, 2015 மற்றும் 2023 - ஆகியவை சென்னைக்கு வெள்ளமான வருடங்கள்- சென்னை சிட்டியில் 2000 மிமீ மழை இந்த வருடம் பெய்துள்ளது என்று தமிழ்நாடு வெதர்மேன் பிரதீப் ஜான் தெரிவித்துள்ளார்.

மிக்ஜாம் புயல் காரணமாக சென்னையில் பல பகுதிகளில் வெள்ளம் ஏற்பட்டு உள்ளது. சென்னை கால்வாய்கள் எல்லாம் நிரம்பிவிட்டன. இதனால் மழை நீர் வடிகால் அமைப்புகள் இருந்தும் கூட தண்ணீர் வெளியேறும் வழி இல்லாமல் உள்ளது. தண்ணீர் ரிவர்ஸ் ஆக கூடாது என்பதால் வடிகால்கள் தற்போது மூடப்பட்டு உள்ளன. இதனால் பல இடங்களில் வெள்ளம் ஏற்பட்டு உள்ளது.

சென்னையை உலுக்கிய மிக்ஜாம் புயல் தொடர்பாக தமிழ்நாடு வெதர்மேன் பிரதீப் ஜான் முக்கியமான விவரங்களை வெளியிட்டுள்ளார்.

தமிழ்நாடு வெதர்மேன் போஸ்ட்: அவர் செய்துள்ள போஸ்டில், 1976, 1985, 1996, 2005, 2015 மற்றும் 2023 - ஆகியவை சென்னைக்கு வெள்ளமான வருடங்கள்- சென்னை சிட்டியில் 2000 மிமீ மழை இந்த வருடம் பெய்துள்ளது.

நுங்கம்பாக்கத்தில் 48 மணி நேரத்தில் (230 மற்றும் 239 மிமீ) 469 மிமீ மழை பதிவாகியுள்ளது. இதில் பெரும்பாலானவை ஞாயிற்றுக்கிழமை இரவு முதல் திங்கள் இரவு வரை 24 மணி நேரத்தில் பதிவான மழை. முழு நகரமும் 400-500 மிமீ மழையைப் பெற்றது, இதில் பெரும்பாலானவை 24 மணி நேரத்தில் பெய்தது.

ஆவடி மோசமான மழை: ஆவடி மிக மோசமான மழையை பதிவு செய்துள்ளது. அங்கு 564 மிமீ (276 மற்றும் 278 மிமீ) ஆகும். பூந்தமல்லி பகுதியில் 483 மிமீ (141 மற்றும் 342 மிமீ) மழை பெய்துள்ளது இதனால், மேல் நீர்ப்பிடிப்பு பகுதிகளில் பெய்த கனமழையால் கூவம் ஆற்றில் வெள்ளம் கரைபுரண்டு ஓடியது.

தாம்பரம் 409 மி.மீ (173 மற்றும் 236 மி.மீ) அடையாறு ஆற்றின் மேல் நீர்ப்பிடிப்பில் மழை பெய்துள்ளது. அடையாறு ஆறும் நிரம்பி வழிகிறது. 3-வது கொசஸ்தலையாற்றில் வந்து கரைபுரண்டு ஓடுகிறது. பூண்டியில் இருந்து ஒரு கட்டத்தில் 45000 கனஅடி திறந்து விடப்பட்டது.

இந்த மழையின் அனைத்து வரலாற்று புள்ளிவிவரங்களையும் வழங்க முயற்சி செய்கிறோம். மேலே குறிப்பிடப்பட்ட அனைத்து ஆண்டுகளுடன் 2023ம் ஆண்டும் கண்டிப்பாக நினைவில் இருக்கும், என்று தமிழ்நாடு வெதர்மேன் பிரதீப் ஜான் தெரிவித்துள்ளார்.

வானிலை மைய கணிப்பு: தமிழ்நாடு வானிலை தொடர்பாக வானிலை மையம் வெளியிட்டுள்ள கணிப்பில், 06.12.2023 மற்றும் 07.12.2023: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

08.12.2023: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும்.
09.12.2023: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும். கோயம்புத்தூர் மாவட்டத்தின் மலைப்பகுதிகள், நீலகிரி, தேனி, திண்டுக்கல், கன்னியாகுமரி, திருநெல்வேலி, தென்காசி மற்றும் தூத்துக்குடி மாவட்டங்களில் இடங்களில் கனமழை ஓரிரு பெய்யவாய்ப்புள்ளது.

10.12.2023 மற்றும் 11.12.2023: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு: அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசானது / மிதமான மழை பெய்யக்கூடும். அதிகபட்ச வெப்பநிலை 29-30 டிகிரி செல்சியஸ் மற்றும் குறைந்தபட்ச வெப்பநிலை 24-25 டிகிரி செல்சியஸாகவும் இருக்கக்கூடும்.

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் லேசானது / மிதமான மழை பெய்யக்கூடும். அதிகபட்ச வெப்பநிலை 30 டிகிரி செல்சியஸ் மற்றும் குறைந்தபட்ச வெப்பநிலை 25 டிகிரி செல்சியஸாகவும் இருக்கக்கூடும்.

English summary

Tamil Nadu Weatherman update on Chennai Flood and rain situation