அலர்ட்.. உங்களுக்கு அசௌகரியம் ஏற்படலாம்! தமிழ்நாட்டில் வெப்ப அழுத்த எச்சரிக்கை விடுத்த வானிலை மையம்

சென்னை: 13 ஆம் தேதி வரை தமிழ்நாடு மற்றும் புதுச்சேரியில் மழைக்கு வாய்ப்பு இருப்பதாக தெரிவித்து உள்ள சென்னை வானிலை ஆய்வு மையம் அசௌகரியம் ஏற்படுத்தும் வகையில் வெப்ப அழுத்தம் நிலவும் என எச்சரித்துள்ளது.

இன்று முதல் 09.08.2023 வரை: தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.

10.08.2023 மற்றும் 11.08.2023: தமிழ்நாடு, புதுச்சேரி மற்றும் காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.

12.08.2023 மற்றும் 13.08.2023: தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும்.

அதிகபட்ச வெப்பநிலை: இன்றும் நாளையும் தமிழ்நாடு மற்றும் புதுச்சேரியில் ஒருசில இடங்களில் அதிகபட்ச வெப்பநிலை 37 டிகிரி முதல் 39 டிகிரி செல்சியஸ் அளவில் இருக்கக்கூடும்; ஒருசில இடங்களில் இயல்பிலிருந்து 2 - 4 டிகிரி செல்சியஸ் அதிகமாக இருக்கக்கூடும். அதிக வெப்பநிலை மற்றும் அதிக ஈரப்பதம் இருக்கும் பொழுது வெப்ப அழுத்தம் (Heat Stress ) காரணமாக அசௌகரியம் ஏற்படலாம்.

சென்னை மற்றும் புறநகர் பகுதிகளுக்கான வானிலை முன்னறிவிப்பு: அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய லேசான / மிதமான மழை பெய்யக்கூடும். அதிகபட்ச வெப்பநிலை 38 டிகிரி செல்சியஸ் மற்றும் குறைந்தபட்ச வெப்பநிலை 28 டிகிரி செல்சியஸை ஒட்டியே இருக்கக்கூடும்.

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய மிதமான மழை பெய்யக்கூடும். அதிகபட்ச வெப்பநிலை 37 டிகிரி செல்சியஸ் மற்றும் குறைந்தபட்ச வெப்பநிலை 27 டிகிரி செல்சியஸை ஒட்டியே இருக்கக்கூடும்.

கடந்த 24 மணி நேரத்தில் பதிவான மழை அளவு (சென்டிமீட்டரில்): கொள்ளிடம் (மயிலாடுதுறை) 6, வேப்பூர் (கடலூர்), திருமயம் (புதுக்கோட்டை), தனிமங்கலம் (மதுரை), குறிஞ்சிப்பாடி (கடலூர்), வடகுத்து (கடலூர்), புலிப்பட்டி (மதுரை) தலா 5, ஈச்சன்விடுதி (தஞ்சாவூர்), பரங்கிப்பேட்டை (கடலூர்) தலா 4, கொத்தவாச்சேரி (கடலூர்), மே.மாத்தூர் (கடலூர்), மணம்பூண்டி (விழுப்புரம்), காட்டுமலையூர் (கடலூர்), ஆதார் எஸ்டேட் (நீலகிரி), விருதாச்சலம் (கடலூர்), குப்பநத்தம் (கடலூர்), வனமாதேவி (கடலூர்), விருத்தாசலம் KVK AWS (கடலூர்), சிதம்பரம் (கடலூர்), புவனகிரி (கடலூர்) தலா 3, ஏற்காடு (சேலம்), உளுந்தூர்பேட்டை (கள்ளக்குறிச்சி), மதுரை விமான நிலையம், முகையூர் (விழுப்புரம்), அண்ணாமலை நகர் (கடலூர்), சிதம்பரம் AWS (கடலூர்), சேத்தியாதோப்பு (கடலூர்), பண்ருட்டி (கடலூர்), அழகரை எஸ்டேட் (நீலகிரி), வெங்கூர் (கள்ளக்குறிச்சி), காட்டுமன்னார்கோயில் (கடலூர்) தலா 2, மேலூர் (மதுரை), கோத்தகிரி (நீலகிரி), ரிஷிவந்தியம் (கள்ளக்குறிச்சி), மணிமுத்தாறு அணை பொதுப்பணித்துறை (கள்ளக்குறிச்சி), லால்பேட்டை (கடலூர்), சீர்காழி (மயிலாடுதுறை), குடிதாங்கி (கடலூர்), கெட்டி (நீலகிரி), வால்பாறை PTO (கோயம்புத்தூர்), சூலங்குறிச்சி (கள்ளக்குறிச்சி) தலா 1.

மீனவர்களுக்கான எச்சரிக்கை: தமிழக கடலோரப்பகுதிகளில் இன்று மற்றும் நாளை தென்தமிழக கடலோரப்பகுதிகள், மன்னார் வளைகுடா மற்றும் அதனை ஒட்டிய குமரிக்கடல் பகுதிகளில் சூறாவளிக்காற்று மணிக்கு 45 முதல் 55 கிலோ மீட்டர் வேகத்திலும் இடையிடையே 65 கிலோ மீட்டர் வேகத்திலும் வீசக்கூடும்.

வங்கக்கடல் பகுதிகளில் இன்று இலங்கை கடலோரப்பகுதிகள் மற்றும் அதனை ஒட்டிய தென்மேற்கு வங்கக்கடல், மத்திய வங்கக்கடல் பகுதிகளில் சூறாவளிக்காற்று மணிக்கு 45 முதல் 55 கிலோ மீட்டர் வேகத்திலும் இடையிடையே 65 கிலோ மீட்டர் வேகத்திலும் வீசக்கூடும்.

மத்திய வங்கக்கடல் பகுதிகளில் சூறாவளிக்காற்று மணிக்கு 40 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும். 08.08.2023: மத்திய வங்கக்கடல் பகுதிகளில் சூறாவளிக்காற்று மணிக்கு 40 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும்.

09.08.2023: இலங்கை கடலோரப்பகுதிகள் மற்றும் அதனை ஒட்டிய தென்மேற்கு வங்கக்கடல், தென்கிழக்கு வங்கக்கடல் பகுதிகளில் சூறாவளிக்காற்று மணிக்கு 40 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும். மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்தப்படுகிறார்கள்." என்று தெரிவிக்கப்பட்டு உள்ளது.

English summary

The Chennai Meteorological Department has warned that there is a possibility of rain in Tamil Nadu and Puducherry till the 13th and that there will be heat stress causing discomfort.