நடிகர் விஜய் ஃபுல் ஃபோர்சில் குதிச்சுட்டாரே.. சென்னையில் மருத்துவ முகாம்கள்! எங்கெங்கு தெரியுமா?

சென்னை: மிக்ஜாம் புயலால் பாதிக்கப்பட்ட சென்னை மக்களுக்காக விஜய் மக்கள் இயக்கம் சார்பில் மருத்துவ முகாம்கள் நடத்தப்படும் 6 இடங்களை வெளியிட்டு உள்ளார் அதன் பொதுச்செயலாளர் புஸ்ஸி ஆனந்த்.

இதுகுறித்து எக்ஸ் தளத்தில் புஸ்ஸி ஆனந்த் வெளியிட்டுள்ள பதிவில், "தளபதி விஜய் அவர்களின் சொல்லுக்கிணங்க, கைகோர்ப்போம் துயர்துடைப்போம்.! தளபதி விஜய் மக்கள் இயக்கம் சார்பாக, மிக்ஜாம் புயலால் பாதிக்கப்பட்ட சென்னை மற்றும் புறநகர் பகுதிகளில் மக்களின் நலனை காக்கவும், காய்ச்சல் உள்ளிட்ட மழைக்கால நோய்களை தடுக்கும் நோக்கிலும் வடசென்னை, மத்திய சென்னை, தென் சென்னை-க்கு உட்பட்ட பகுதிகளில் 25 இடங்களில் டிசம்பர் 14-ம் தேதி அன்று காலை 8.05 மணி முதல் மதியம் 1.00 மணி வரை சிறப்பு மருத்துவ முகாம்கள் நடைபெறுகிறது." என்று குறிப்பிட்டு பின்வரும் அறிக்கையை வெளியிட்டு உள்ளார்.

அதில், "தளபதி அவர்களின் சொல்லுக்கிணங்க சென்னை மக்களுக்கு மருத்துவ முகாம்கள். மிக்ஜாம் புயல் மழை காரணமாக பாதிக்கப்பட்ட சென்னை மக்களின் நலனை பாதுகாக்கும் வகையிலும், காய்ச்சல் உள்ளிட்ட மழைக்கால நோய்களை தடுக்கும் நோக்கிலும் தளபதி விஜய் மக்கள் இயக்கம் சார்பில் இலவச சிறப்பு மருத்துவ முகாம்கள் வருகின்ற 14.12.2023 அன்று காலை 8.05 மணி முதல் மதியம் 1.00 மணி வரை நடைபெற உள்ளது.

வட சென்னை, மத்திய சென்னை, தென் சென்னை ஆகிய பகுதிகளில் 25 இடங்களில் பல்துறை மருத்துவர்கள், செவிலியர்கள் பங்கேற்க உள்ள இம்மருத்துவ முகாம்கள் வழியாக குழந்தைகள், பெண்கள், முதியோர்களுக்கு நோய் தடுப்பு மருந்துகள், மாத்திரைகள் மற்றும் உரிய ஆலோசனைகள் வழங்கப்பட உள்ளன. பொதுமக்களின் நலன் காக்கும் இம்மருத்துவ முகாம்களில் பொதுமக்கள் கலந்து கொண்டு பயன்படுத்திக் கொள்ளுமாறு அன்போடு கேட்டுக்கொள்ளப்படுகிறார்கள்.

மருத்துவ முகாம்கள் நடைபெறும் இடங்கள்:
வடசென்னை மாவட்டம்:

1. வார்டு - 46
முகவரி: முல்லை நகர், அசோக் பில்லர், அரசு உயர் நிலை பள்ளி அருகில் பெரம்பூர் சட்டமன்ற தொகுதி

2. வார்டு - 45
முகவரி: P.B.ரோடு, கரிமேடு, வியாசார்பாடி, தீயனைப்பு நிலையம் அருகில் பெரம்பூர் சட்டமன்ற தொகுதி

3. வார்டு - 35
முகவரி: கொடுங்கையூர், முத்தமிழ் நகர், பள்ளிவாசல்அருகில். பெரம்பூர் சட்டமன்ற தொகுதி

4. வார்டு - 72
முகவரி: 9, கஸ்தூரிபாய் காலனி A பிளாக், கண்ணிகாபுரம், மக்கள் மறுமலர்ச்சி மன்றம் அருகில் திரு.வி.க.நகர் சட்டமன்ற தொகுதி

5. வார்டு - 75
முகவரி: சுப்புராயம் 4-வது தெரு, திரு.வி.க.நகர் தொகுதி

6. வார்டு - 65
முகவரி: முத்துமாரியம்மன் கோவில் தெரு MGR நகர் SBI அருகில் கொளத்தூர் தொகுதி." என்று குறிப்பிடப்பட்டு உள்ளது.

English summary

Vijay Makkal iyakkam General Secretary Bussy Anand has released 6 places where medical camps will be conducted by the Vijay Makkal iyakkam for the people of Chennai affected by Cyclone Mikjam.