கதிகலங்க வைக்கும் சென்னை, வேளச்சேரி வெள்ளம்.. நெஞ்சை உலுக்கும் வீடியோ தொகுப்பு இதோ!

சென்னை: மிக்ஜாம் புயல் காரணமாக தத்தளிக்கிறது சென்னை. சமீபகால வரலாற்றிலேயே இல்லாத அளவுக்கு தொடர்ந்து மழை பெய்கிறது. 2015ம் ஆண்டின் பெருவெள்ள பாதிப்பை கண்முன்னே காட்டுகிறது. அப்போது ஒரு மணி நேர இடைவெளியில் ஒரேயடியாக 50 செ.மீ மழை பெய்தது பெரு வெள்ளத்திற்கு காரணம். செம்பரம்பாக்கம் ஏரியை திட்டமிடாமல் திறந்து விட்டு வெந்த புண்ணில் வேலை பாய்ச்சிவிட்டார்கள் அப்போதைய ஆட்சியாளர்கள் என்ற குற்றச்சாட்டும் உண்டு. அது ஒருபக்கம் இருக்கட்டும். இப்போது பெய்யும் மழை தொடர்ச்சியாக ஆனால் பெரிய அளவில் பெய்தபடியே இருப்பதுதான் பிரச்சினையின் வீரியத்தை கூட்டுகிறது.

சென்னையில் "இந்தமுறையும்" அதிகம் பாதிக்கப்பட்டுள்ளது வேளச்சேரி ஏரியாதான். வேளச்சேரியா அல்லது வெள்ளச்சேரியா என்று கேட்கும் நிலை உள்ளது. கார்களை கடல் அலைபோல மழை வெள்ளம் தூக்கிச் சென்ற வீடியோ, திடீரென ஒரு பெட்ரோல் பங்க் பள்ளத்தில் விழுந்த வீடியோ என்று இன்றைய தினம், உங்களை உலுக்கிய காட்சிகள் அனைத்துமே வேளச்சேரியை சுற்றி நடந்தவைதான்.

இதோ சென்னையை அதிலும் குறிப்பாக வேளச்சேரியை உலுக்கிய சம்பவங்களின் வீடியோ தொகுப்பு உங்களுக்காக. இதை பார்த்தால் பாதிப்பின் அளவை உடனே புரிந்துகொள்ள முடியும்.

காரே மிதக்குது:

#ChennaiRains #ChennaiFloods Pallikarani (velachery) Be safe pic.twitter.com/8PW74ZNvb7

— Gokul Tamilselvam (@Gokul46978057) December 4, 2023

இந்த ட்விட்டர் கணக்கில் ஷேர் செய்யப்பட்டுள்ள வீடியோ வேளச்சேரி பள்ளிக்கரணை பகுதியில் எடுக்கப்பட்டுள்ளது. குடியிருப்பு வளாகம் அருகே கார்கள் ஏதோ படகுகளை போல அடித்துச் செல்லப்பட்டு ஒன்றுக்கொன்று மோதிக்கொள்ளும் காட்சியை பார்த்தால் அச்சம் மேலோங்குவது நிச்சயம்.

நாராயணபுரம் ஏரி:

Narayanapuram lake breached. #Pallikaranai Velachery road water logged. Avoid. #ChennaiRain #CycloneMichuang @UpdatesChennai @chennaiweather @ChennaiRains https://t.co/FzyEeZxpnL pic.twitter.com/hEdWFnLKis

— 🇮🇳 Vidyasagar Jagadeesan🇮🇳 (@jvidyasagar) December 4, 2023

வேளச்சேரி அருகேயுள்ள நாராயணபுரம் ஏரிக் கரை உடைந்து தண்ணீர் பாய்ந்ததால் போக்குவரத்து பாதிக்கப்பட்டது. இருப்பினும் மாநகராட்சி ஊழியர்கள் விரைந்து வந்து நிலைமையை சீர் செய்தனர்.

பெரிய பள்ளம்:

Five furlong road, Velachery. Looks scary 🥺 #ChennaiRains #chennaifloods #CycloneMichaung #ChennaiRain pic.twitter.com/2RnNIh2j8b

— Yokesh (@ImYokEsH) December 4, 2023

வேளச்சேரியில் இருந்த பெட்ரோல் பங்க்கில் திடீரென பெரிய பள்ளம் ஏற்பட்டதால் 40 அடிக்கு உள்ளே போய்விட்டது. ஊழியர்களும் சேர்ந்தே திடீரென பாதாளத்திற்கு போனதால் பதற்றமான சூழல் நிலவியது. நல்லவேளையாக மாநகராட்சி ஊழியர்கள் உதவியோடு ஊழியர்கள் மீட்கப்பட்டனர்.

கடலாக மாறிய சென்னை:

🚨Alarming visuals from #ChennaiFloods highlight severe impact, with Pallikaranai and Velachery being among the worst affected areas. Prayers for the safety of Chennai residents and gratitude to the Indian Army for their rescue efforts. #CycloneMichaung pic.twitter.com/xUsumqeTvt

— Insightful (@InsightWithHari) December 4, 2023

வீட்டுக்கு பக்கத்தில் திடீரென்று கடல் வந்துவிட்டால் எப்படி இருக்குமோ அப்படி ஒரு அனுபவம் வேளச்சேரி மக்களுக்கு இன்று கிடைத்தது. இதை இந்த வீடியோவில் பார்க்கலாம்.

வாரி சுருட்டிய பூமி:

Chennai be safe, this is the situation in this city and we are experiencing more and more rainfall so there is gonna be more damage. A road completely destroyed in this video. #ChennaiFloods #ChennaiRains #CycloneMichaung pic.twitter.com/gRikrUP4c5

— lostintravel (@jeonbaby27) December 4, 2023

சென்னை போயஸ் கார்டன் பகுதியில் அருகில் நின்று கொண்டிருந்த மின் கம்பத்தை அப்படியே வாரி சுருட்டுகிறது, பூமி பள்ளம் என்று சுற்றலில் விடப்பட்டுள்ள இந்த வீடியோ பயமுறுத்துவதாக அமைத்தது.

English summary

Chennai Flood Videos: Velachery area is the most affected area in Chennai "this time too". There is a question whether it is Velachery or Floodchery. The video where the cars were washed away like a sea wave, the video of a petrol station suddenly falling into a ditch, all the scenes that shook you today are all around Velachery. Here is a video collection of events that rocked Chennai and especially Velachery for you. If you see this, you can immediately understand the extent of the damage.