இன்று ‛மஞ்சள் அலர்ட்’.. தமிழ்நாடு, கேரளா, கர்நாடகாவை வெளுக்கப்போகும் கனமழை - வானிலை மையம்

சென்னை: தென்மேற்கு பருவமழை முன்கூட்டியே தொடங்கி உள்ளது. இதனால் தமிழ்நாடு, கேரளா, கர்நாடகாவில் கனமழை வெளுத்து வாங்கி வருகிறது. இதனால் சில இடங்களில் மக்களின் இயல்பு வாழ்க்கை பாதிக்கப்பட்டுள்ளது. இதற்கிடையே தான் இன்று தமிழ்நாடு, கர்நாடகா, கேரளாவுக்கு ‛மஞ்சள் அலர்ட்' விடுக்கப்பட்டுள்ளது.

பொதுவாக தென்மேற்கு பருவமழை என்பது ஜூன் 2வது வாரத்தில் தான் தமிழ்நாட்டில் தொடங்கும். ஆனால் இப்போது தென்மேற்கு பருவமழை மே இறுதியிலேயே தொடங்கிவிட்டது. இதனால் தமிழ்நாடு, கேரளா, கர்நாடகாவில் கனமழை வெளுத்து வாங்கி வருகிறது.

தமிழகத்தில் வெயில் தணிந்து இதமான சூழல் நிலவி வருகிறது. பல இடங்களில் சூறைக்காற்றுடன் அவ்வப்போது மழை பெய்து வருகிறது. தென்காசி மாவட்டத்தில் பெய்த கனமழையால் இன்று 7 வது நாளாக அனைத்து அருவிகளிலும் குளிக்க மக்களுக்கு அனுமதி வழங்கப்படவில்லை.

இதற்கிடையே தான் தமிழ்நாட்டில் இன்று ஓரிரு இடங்களில் கனமழைக்கு வாய்ப்புள்ளது. இதனால் தமிழகத்துக்கு இன்று ‛மஞ்சள் அலர்ட்' விடுக்கப்பட்டுள்ளது. தமிழகத்தில் இன்று நீலகிரி, தேனி, தென்காசி, கன்னியாகுமரி, கோவை மேற்குதொடர்ச்சி மலையையொட்டிய பகுதிகளில் மழை பெய்யலாம் என்று தெரிவிக்கப்பட்டுள்ளது.

24 மணிநேரத்தில் ஒரு இடத்தில் குறைந்தபட்சம் 64.5 மில்லி மீட்டர் முதல் அதிகபட்சமாக 115.5 மில்லிமீட்டர் வரை மழை பெய்ய வாய்ப்பு இருந்நதால் மட்டுமே‛மஞ்சள் வார்னிங்' என்பது விடுக்கப்படும். இதனால் இன்று தமிழகத்தின் ஓரிரு இடங்களில் 64.5 மிமீ முதல் 115.5 மிமீ வரை மழை பெய்யலாம்.

மேலும் தமிழ்நாடு மற்றும் புதுச்சேரியில் இன்று முதல் 7 நாட்களுக்கு மிதமான மழை பெய்யும் என்று வானிலை ஆய்வு மையம்தெரிவித்துள்ளது. சென்னையில் கடந்த 24 மணிநேரத்தில் பாரி முனையில் 4 செமீ மழை பெய்துள்ளது. சென்ட்ரல், கொளத்தூர், கொரட்டூர்,நெற்குன்றம், அடையாறு, மடிப்பாக்கத்தில் தலா 3 செமீ மழை பெய்துள்ளது.

அதேபோல் அண்டை மாநிலங்களான கேரளா, கர்நாடகாவில் இன்று மழைக்கான மஞ்சள் எச்சரிக்கை விடுக்கப்பட்டுள்ளது. கர்நாடகாவில் இன்று முதல் 3 நாட்களும், கேரளாவில் இன்று முதல் 2 நாட்களுக்கும் மஞ்சள் அலர்ட் விடுக்கப்பட்டுள்ளது. கேரளாவில் பெய்த கனமழையால் நேற்று மட்டும் 10 பேர் பலியாகி உள்ளனர். 13 பேர் மாயமாகி உள்ளனர். அதேபோல் கர்நாடகாவை எடுத்து கொண்டால் கடலோர மாவட்டங்களில் கனமழை பெய்து வருகிறது. இதற்கிடையே தான் மஞ்சள் அலர்ட் என்பது விடுக்கப்பட்டுள்ளது என்பது இங்கே குறிப்பிடத்தக்கது.

English summary

The southwest monsoon has started early. Due to this, heavy rains are lashing Tamil Nadu, Kerala and Karnataka. Due to this, normal life of the people has been affected in some places. Meanwhile, a 'yellow alert' has been issued for Tamil Nadu, Karnataka and Kerala today.