சன்னியை எப்படியாவது பார்த்து விட வேண்டும்... பேனரை கிழித்து பார்த்த முரட்டு ரசிகர்!

நடிகை சன்னிலியோனை எப்படியாவது பார்த்து விட வேண்டும் என்று பேனரை கிழித்துக் கொண்டு பார்த்த முரட்டு ரசிகரின் புகைப்படம் சமக வலைதளங்களில் ரகளை கிளப்புகிறது.

கொச்சி : நடிகை சன்னி லியோன் கேரள மாநிலம் கொச்சிக்கு வருகை தந்த போது மேடையில் இருந்த பேனரை கிழித்துக் கொண்டு வந்து தலையை விட்டு பார்த்த முரட்டு பக்தரின் படங்கள் சமூக வலைதளங்களில் ரகளை கிளப்பி வருகிறது.

பாலிவுட் நடிகை சன்னிலியோன் கேரள மாநிலம் கொச்சி எம்.ஜி. சாலையில் ஒரு செல்போன் நிறுவன ஷோரூமை திறந்து வைப்பதற்காக சவருகை தந்து இருந்தார். கேரள ரசிகர்கள் சன்னிலியோனை பார்க்க திரண்டதால் கொச்சியில் 2 மணி நேரத்திற்கு மேல் வாகன போக்குவரத்தே ஸ்தம்பித்து விட்டது.

கேரளாவில் நடிகர், நடிகைகளுக்கு அதிக முக்கியத்துவம் கொடுக்க மாட்டார்கள் என்ற கருத்து நிலவுகிறது. தமிழ், தெலுங்கு பட உலகில் இருப்பதுபோல ரசிகர் மன்றங்கள், கட்அவுட்டுக்கு பாலாபிஷேகம், நடிகைகளுக்கு கோவில் கட்டுவது என்பதெல்லாம் அங்கு கிடையாது. இந்த நிலையில் சன்னிலியோனை பார்க்க திரண்ட ரசிகர்கள் கூட்டம் அங்கு பெரும் பரபரப்பை ஏற்படுத்தியது.

போக்குவரத்து நெரிசல்

சன்னிலியோன் வருகையால் கடும் போக்குவரத்து நெருக்கடி ஏற்பட்டது தொடர்பாக அந்த செல்போன் நிறுவன உரிமையாளர், ஊழியர்கள் உள்பட 100 பேர் மீது போலீசார் வழக்குப்பதிவு செய்யும் அளவிற்கு விஷயம் சீரியஸாகிவிட்டது.

குஷியான சன்னி

அலைகடலென திரண்ட தொண்டர்கள் மத்தியில் சன்னியின் கார் நீந்திச் சென்றது. ரசிகர்கள் பாசத்தில் நனைந்த சன்னி படு குஷியாக டுவீட்டியுள்ளார்.

So out of all the photos, this one takes the cake!! Lol so many captions I want to write but don't know where to begin. So darn cute! pic.twitter.com/oF5cmrBSc3

— Sunny Leone (@SunnyLeone) August 17, 2017

முரட்டு ரசிகர்

சன்னிலியோனை பார்க்கத் திரண்ட ரசிகர்களின் கூட்டம் தான் சமூக வலைதளங்களில் அதிகமாக பகிரப்பட்டு வருகிறது. இந்நிலையில் கொடுமையின் உச்சகட்டமாக சன்னிலியோனை பார்த்துவிட வேண்டும் என்று அவர் நின்றிருந்த மேடைக்கு பின்புறம் போடப்பட்டிருந்த பேனரை கிழித்துக் கொண்டு தலையை விட்டு சன்னிலியோனை பார்த்து ரசித்து பிறவிப் பலனை அடைந்துள்ளார் ஒரு முரட்டு ரசிகர்.

வாழ்க ரசிகர்கள்

வாழ்க இளைஞர்களின் நடிகை மோகம் என்பதைத் தவிர இதில் சொல்வதற்கு ஒன்றும் இல்லை. ரசிகர்களை பார்க்கத் திரள்வதில் தமிழகத்தினரை மிஞ்சிவிட்டனர் கேரள இளைஞர்கள்.

English summary

Sunnyleon received overwhelming support from fans at kerala of these fans gathering several teared the stage banners and look out her.