தேமுதிகவால் வந்த கூட்டணி பிரச்சனை.. விசிக, காங்கிரஸ் கொடுத்த புகைச்சல்.. திமுக தோல்வியின் பின்னணி

சென்னை: 2026 சட்டமன்றத் தேர்தலில் திமுக தோல்வி அடைந்ததற்கு முக்கிய காரணம் கூட்டணி கட்சி தொண்டர்களுக்கு இடையே ஏற்பட்ட விரிசல் தான் என்பது தெரிய வந்துள்ளது. தேர்தல் அரசியலில் கூட்டணி கட்சி தலைவர்கள் மற்றும் தொண்டர்களுக்கு இடையே உள்ள பிணைப்பு என்பது மிகவும் முக்கியமான ஒன்றாக கருதப்படுகிறது.

திமுக அமைத்துள்ள மெகா கூட்டணிகள் எப்போதுமே கூட்டணி கட்சி தலைவர்கள் மற்றும் தொண்டர்களுக்கிடையே எந்தவித சலசலப்பு ஏற்பட்டது கிடையாது. ஆனால் முதல் முறையாக 2026 தேர்தலுக்கு முன் திமுக கூட்டணி கட்சிகளுக்கு இடையே சலசலப்பு ஏற்பட்டது.

முதலில் இதை காங்கிரஸ் கட்சி தான் தொடக்கி வைத்தது. தங்களுக்கு ஆட்சியில் பங்கு வேண்டும் என்றும் துணை முதல்வர் அல்லது அமைச்சர்கள் பதவி வேண்டும் என்று போர் கொடி தூக்கினார்கள். இது அமைதியாக இருந்த கூட்டணியில் சலசலப்பை ஏற்படுத்தியது. எனினும் இதற்கு வாய்ப்பே இல்லை என்று முதல்வர் ஸ்டாலின் அறிவித்தார்.

இந்த தருணத்தில் தான் திமுக கூட்டணிக்கு புதிய கட்சியாக தேமுதிக அடியெடுத்து வைத்தது. இதன் மூலம் மற்ற கட்சிகளுக்கான இடம் குறைவாக வழங்கப்படும் என்று திமுக தலைமை அறிவித்தது. இது மற்ற கட்சி தொண்டர்களுக்கு இடையே கோபத்தை உருவாக்கியது. காங்கிரஸ் தங்களுக்கு 40 தொகுதி வேண்டும் என்றும் விடுதலை சிறுத்தைகள் தங்களுக்கு இரட்டை இலக்கத் தொகுதி வேண்டும் என்றும் மார்க்சிஸ்ட் கம்யூனிஸ்ட் தங்களுக்கு கடந்த ஆண்டு தேர்தலை விட கூடுதல் தொகுதி வேண்டும் என்றும் போர் கொடி தூக்கினார்கள்.

ஆனால் அவர்களை எல்லாம் பல கட்ட பேச்சு வார்த்தை பின் குறைந்த தொகுதிகளில் கொடுத்து திமுக சமாளித்தது. இது அக்கட்சித் தொண்டர்களிடையே மனக்கசப்பை ஏற்படுத்தியது. இதனால் சமூக வலைத்தளத்தில் வெளிப்படையாகவே விசிக, காங்கிரஸ் கட்சி தொண்டர்கள் திமுகவை விமர்சித்து வந்தனர்.

இதனால் தேர்தலை சந்திப்பதற்கு முன்பே கூட்டணியில் விரிசல் ஏற்பட்டது. இதன் காரணமாக விசிகவினர் தாங்கள் நிற்கும் எட்டு இடங்களில் வெற்றி பெற்றால் மட்டும் போதும் என்றும் மற்ற இடத்தில் விஜய்க்கு ஆதரவு அளிக்கலாம் என்ற முடிவில் இருந்தனர். இது தேர்தலில் தற்போது மிகப்பெரிய தாக்கத்தை ஏற்படுத்தியிருக்கிறது.

இதனை கடந்த இரண்டு நாட்களுக்கு முன்பு விடுதலை சிறுத்தை கட்சியின் தலைவர் திருமாவளவனை தனது கட்சி தொண்டர்கள் கூட்டணி கட்சியினருக்கு சரியாக வேலை செய்யவில்லை என்று பகிரங்கமாக அறிவித்தார். இதேபோன்று காங்கிரஸ் கட்சியினரும் திமுகவுக்கு பாடம் கற்றுக் கொடுக்க வேண்டும் என்ற தோணியில் செயல்பட்டனர். இதுதான் தற்போது தேர்தல் முடிவுகளில் பிரதிபலித்திருக்கின்றது.