பாரதி பக்கம்
Subscribe to Oneindia Tamil
பெண் விடுதலை
விடுதலைக்கு மகளிரெல் லோரும்
வேட்கை கொண்டனம்: வெல்லுவம் என்றே
திடம னத்தின் மதுக்கிண்ண மீது
சேர்ந்து நாம்பிர திக்கினை செய்வோம்.
உடைய வள்சக்தி ஆண்பெண் ணிரண்டும்
ஒருநி கர்செய் துரிமை சமைத்தாள்:
இடையிலேபட்ட கீழ்நிலை கண்டீர்.
இதற்கு நாமொருப் பட்டிருப் போமோ? (1)
வேட்கை கொண்டனம்: வெல்லுவம் என்றே
திடம னத்தின் மதுக்கிண்ண மீது
சேர்ந்து நாம்பிர திக்கினை செய்வோம்.
உடைய வள்சக்தி ஆண்பெண் ணிரண்டும்
ஒருநி கர்செய் துரிமை சமைத்தாள்:
இடையிலேபட்ட கீழ்நிலை கண்டீர்.
இதற்கு நாமொருப் பட்டிருப் போமோ? (1)
திறமை யால்இங்கு மேனிலைச்சேர்வோம்:
தீய பண்டை இகழ்ச்சிகள் தேய்ப்போம்:
குறைவி லாது முழுநிகர் நம்மைக்
கொள்வ ராண்க ளெனிலவ ரோடும்
சிறுமை தீரநந் தாய்திரு நாட்டைத்
திரும்ப வெல்வதில் சேர்நதிங் குழைப்போம்:
அறவி ழுந்தது பண்டை வழக்கம்:
ஆணுக் கும்பெண் விலங்கெனும் அஃதே. (2)
விடியு நல்லொளி காணுகி நின்றே,
மேவு நாக ரிகம்புதி தொன்றே:
கொடியர் தம்மை அடிமைகள் என்றே
கொண்டு, தாம்முதல் என்றன ரன்றே,
அடியொ டந்த வழக்கத்தைக் கொன்றே,
அறிவு யாவும் பயிற்சியில் வென்றே
கடமை செய்வீர், நந்தேசத்து வீரக்
காரிகை கணத்தீர். துணி வுற்றே. (3)
(தொடரும்)
Click it and Unblock the Notifications
Sign in with Google