பாரதி பக்கம்

அச்சமில்லை அச்சமில்லை அச்சமென்பதில்லைையே

இச்சகத்து ளோரெல்லாம் எதிர்த்து நின்ற போதினும்,

அச்சமில்லை அச்சமில்லை அச்சமென்பதில்லையே

துச்சமாக எண்ணி நம்மைத் தூறு செய்த போதினும்,

அச்சமில்லை அச்சமில்லை அச்சமென்பதில்லையே

பிச்சை வாங்கி உண்ணும் வாழ்க்கை பெற்றுவிட்ட போதிலும்,

அச்சமில்லை அச்சமில்லை அச்சமென்பதில்லையே

இச்சைகொண்ட பொருளெல்லாம் இழந்துவிட்ட போதிலும்,

அச்சமில்லை அச்சமில்லை அச்சமென்பதில்லையே (1)

கச்சணிந்த கொங்கை மாதர் கண்கள் வீசு போதிலும்,

அச்சமில்லை அச்சமில்லை அச்சமென்பதில்லையே

நச்சைவாயி லே கொணர்ந்து நண்ப ரூட்டு போதிலும்,

அச்சமில்லை அச்சமில்லை அச்சமென்பதில்லையே

பச்சையூ ணியைந்த வேற் படைகள் வந்த போதிலும்,

அச்சமில்லை அச்சமில்லை அச்சமென்பதில்லையே

உச்சிமீது வானிடிழுந்து வீழு கின்ற போதினும்

அச்சமில்லை அச்சமில்லை அச்சமென்பதில்லையே. (2)