பாரதி பக்கம்

பல்லவி

ஜய பேரிகை கொட்டடா! - கொட்டடா
ஜய பேரிகை கொட்டடா!

சரணங்கள்

1.பயமென்னும் பேய்தனை யடித்தோம் - பொய்ம்மைப்
பாம்பைப் பிளந்துயிரைக் குடித்தோம் ;
வியனுல கனைத்தையும் அமுதென நுகரும்
வேக வாழ்வினைக் கைப் பிடித்தோம் (ஜய பேரிகை)

2.இரவியினொளியிடைக் குளித்தோம் - ஒளி
இன்னமு தினையுண்டு களித்தோம் ;
கரவினில் வந்துயிர்க் குலத்தினை யழிக்கும்
காலன் நடுநடுங்க விழித்தோம் . (ஜய பேரிகை)

3.காக்கை குருவி எங்கள் ஜாதி - நீள்
கடலும் மலையும் எங்கள் கூட்டம் ;
நோக்குத் தீசையெலாம் நாமன்றி வேறில்லை ;
நோக்க நோக்கக் களியாட்டம். (ஜய பேரிகை)