For Daily Alerts
Just In
பாரதி பக்கம்
7.காலனுக்கு உரைத்தல்
ராகம் - சக்ரவாகம்
தாளம் - ஆதி
பல்லவி
- காலா! உனை நான் சிறு புல்லென மதிக்கிறேன்; என்றன்
காலருகே வாடா! சற்றே உனை மிதிக்கிறேன் - அட ( காலா)
சரணங்கள்
1. வேலாயுத விருதினை மனதிற் பதிக்கிறேன் - நல்ல
வேதாந்த முரைத்த ஞானியர் தமை யெண்ணித் துதிக்கிறேன் -ஆதி
மூலா வென்று கதறிய யானையைக் காக்கவே - நின்றன்
முதலைக்கு நேர்ந்ததை மறந்தாயோ கெட்ட மூடனே? அட (காலா)
2. ஆலாலமுண்டவனடி சரணென்ற- மார்க்கண்டன் - தன
தாவி கவரப்போய் நீ பட்ட பாட்டினை யறிகுவேன் -இங்கு
நாலாயிரம் காதம் விட்டகல்! உனை விதிக்கிறேன் - ஹரி
நாராயண னாகநின் முன்னே உதிக்கிறேன் - அட (காலா)
(தொடரும்)
Story first published: Saturday, February 12, 2000, 16:50 [IST]