பாரதி பக்கம்

அடிமைச்சருக்கம்

(தொடர்ச்சி)

விதுரன் சொல்வது

வேறு

கருணனும் சிரித்தான் - சபையோர்

கண்ணின் நீருதிர்த் தார்.

இருள் நிறைந்த நெஞ்சன் - களவே

இன்ப மென்று கொண்டான்

அரவு யர்த்த வேந்தன் - உவகை

ஆர்த் தெழுந்து சொல்வான்

பரவு நாட்டை யெல்லாம் -எதிரே

பணய மாக வைப்போம். (20)

தம்பிமாரை வைத்தே -ஆடித்

தருமன் வென்று - விட்டால்

முன்பு மாமன் வென்ற - பொருளை

முழுதும் மீண் டளிப் போம் .

தம்பி வேலை செய்வோம் - தருமா!

நாடிழந்த பின்னர்

அம்பி னொத்த விழியாள் - உங்கள்

ஐவருக்கு முரியாள் (21)

(தொடரும்)